Radio Romania International

Arhiva :

Reactii dupa alidzerli dit Ripublica Moldova
(2009-04-07)
Atea dit soni aspuneari: 2009-04-07 14:09 EET Print
Victoria a comuniştilor la alidzerli parlamentari dizvărtiti, dumănică, tru R.Moldova, nu fu surpriza. Sondajili dădea a partiil’ei di guvernămăntu, dit ahuhrită, un avansu cabaia mari andicra di democraţ, cari nu putură, niţi aestă oară, s-aducă a electoratlui argumenti politiţi persuasivi tră alăxearea a putearil’ei di Chişinau. Dimi, istoria năpoi să spusi: dăldzăli di partii ţi nu au istorie ică cu ună identitati aştearsă, cari s-ampulisiră tu campania electorală, adusi a alegătorului aspărearea ti dzuua di măni şi indiferenţa ti mira ali democraţie. Si ma s-ufilisi di aestă amintari di imaghini, prit contrastu, comuniştil’i amintară, treia oară, după 2001, alidzerli dit n’iclu stat ţi easti anamisa di Prut şi Nistru. Aşi, el’i va s-adară guvernul şi va s-aibă un zbor ti spuneari ti alidzeari, di cătră parlamentu, a năului prezidentu, altu andicra di Vladimir Voronin cari, constituţional, numata poati s-aibă nădii ti un treilu mandat. Pi hăvaia a nostalgiil’ei prosovietiţi şi a crizăl’ei economiţi, comuniştil’i s-trapsiră ca asiguripsitori a continuitatil’ei, hiindalui votaţ di moldoven’il’i oarfăn’i, cari baneadză dit agiutoari di la stat şi di marea measă di lucrători şi birocraţ ti cari tin’ia di cafi mes, di mesi, treaţi maş niheamă di 100 di euro tru mes. Rezultatlu amintat di Partidlu a Comuniştilor, aproapea 50% di tuti voturli dati, fu pricunuscut di comunitatea internaţională ama nu şi di ună parti ali opoziţie şi a bănătorlor. Chişinău, n’il’i di demonstranţă işiră, luni şi marţă, pi geadei, protestăndalui contra a ţănearil’ei ma largu a comuniştilor la puteari. Manifestari ma n’ică s-feaţi şi Iaşi ică Galaţi, tu apirita ali Românie, iu inveaţă suti di studenţă moldoven’i, ca bursieri a statlui român. Mesajlu a aiştor acaţă tu isapi nica şi timbihea că, prit duţearea ma largu a guvernaril’ei comunisti pro-ruse, Chişinăulu agiundzi s-hibă ma largu di nădiili di integrare tru UE. Comunismul cu prosup uminescu - spun el’i - va u ahăndusească catandisea di urfăneaţă a bănatorlor, ţi vedu zorea, ază, tru un proţentu di 25%, s-caftă di lucru nafoara a sinurlor şi să-u ducă ma largu niachicăsearea cu Transnistria (regiune separatistă rusofonă dit est), alăsăndalui iniţiativa ti ndridzearea a l’ei andicra di sinferurli geopolitiţi a Moscovăl’ei. Nu dip tru soni, duţearea ma largu a trendului ţi easti tru aestu chiro ti politica externă a Chişinăului va u ţăna ma largu temperatura scădzută a ligăturlor cu România, cratlu viţin a curi borgi armăni, ama, aţea tra să-l’i-andrupască şi s-veagl’e em cetăţean’il’i cari băneadză tru R.Moldova em şi marea measă a moldovean’ilor cari zburăscu şi scriu tru limba română. Textul:Valentin Tigau Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International