|
|
| Andamusi americano – europeani pi nivel analtu |
| (2009-04-06) |
| Atea dit soni aspuneari: 2009-04-06 13:48 EET |
Dauâ reuniun’i americano-europeani pi nivel ananaltu furâ tu prota thesi tu işita a stâmânăl’ei ţi tricu. Liderl’i a SUA şi ali UE voru s-da unu nou adil’iatu a ligâturlor translatiţi, maxusu dupâ alâxearea ali administraţie di Washington, şi tu actualu contextu politic, icunomic şi di securitati. Summit-lu aniversar cari ari marcatâ 60 di an’i di la adrarea NATO, organizat ti prota oară deadunu di dauâ vâsilii, Franţa şi Ghirmânia, fu alâvdatu di liderl’i ali Alianţâ, cari tora agiumsi la 28 di membri, unâoarâ cu aderarea ali Croaţie şi Albaniei, ca unâ andamusi a rezultatilor. Fu apufusitu yinitorlu rol ali organizaţie tu aestu secul, darea silâ a ligâturlor NATO cu Rusia şi unâ nauâ strageghie ti Afganistan, cari easti tora prioritatea-cl’iaie ali Alianţâ. Liderl’i NATO tâxirâ câ va s-pitreacâ efectivi suplimentari – 5000 di aschirladz – ta s-asiguripseascâ securitatea alidzerlor prezidenţiali ditu meslu augustu şi va s-alimenteadzâ un fondu ti finanţarea ali ascheri afgană. Tu aţea ţi mutreaşti andamusea informalâ SUA-UE di Praga aestâ avu tu prota thesi criza financiarâ şi icunomicâ mondialâ. Prezidentul ali Comisiei Europeanâ, Jose Manuel Barroso, declara câ lumea easti ma sigurâ şi mai prucupsitâ atunţea cându Europa şi SUA colaboreazâ ca parteneri global’i. România eara reprezentatâ la dauâli andamusi di prezidentul Traian Bãsescu. Obiectivili a Bucureştiului la summit-lu NATO furâ 'agiunsi la parametri maximi', declră, dupâ andamusi, Băsescu. Tu Declaratia finalã fu spusâ iara dişcl’idearea ali Alianţâ ti Bosna-Herţegovina, Muntenegru şi Sârbia, fu spusâ ideea implicaril’ei ali comunitati internationalâ ti ândridzearea a ceamaunâl’ei di Georgia şi fu spusâ diznou ândruparea ali integritati teritorialâ ali Riepublicâ Moldova. Tu aţea ţi mutreaşti Afganistanlu, Băsescu sumcundil’ie că România şi-li umplu integral angajamentili, prin prezenţa a aţilor unâ n’il’ie di militari tu aestâ vâsilie. Tu aţea ţi mutreaşti reuniunea informalâ di Praga, Bãsescu dzâsi câ ligâtura transatlanticâ easti unâ strateghică, ţi lipseaşti s-hibâ ndrupatâ şi dezvoltatâ. Elu cama dzâsi câ furâ apufusiţ năi parametri mutrinda ligăturli anamisa di UE şi SUA, s-bâgarâ bazili a unui parteneriat mutrinda problemili majori a lumil’ei ditu aestu momentu:criza icunomicâ şi finaciarâ mondialâ, ascâdearea a emisiilor di gazi.Traian Bãsescu: “Actiunea comunâ easti un elementu esenţial şi cu tuti câ abordărli suntu cu nuanţi anamisa di politica a Statilor Uniti di finanţari a sistemlui bancar şi implicarea financiarâ pi nivelu UE, concluzia fu cã va s-işimu ditu crizâ cându şi Statili Uniti şi Uniunea Europeanã va s-l’ia diznou silâ di punctu di videari icunomic” .
Autor: Andreea Bojoi
Apriduţearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido