Radio Romania International

Arhiva :

Acâchiseari cu FMI ândrupatâ di BNR
(2009-04-02)
Atea dit soni aspuneari: 2009-04-02 15:26 EET Print
“România avea ananghi di acâchisearea di împrumut ditu xeani, ta s-aibă şansi di stabilizari ali icunumie”. Aesti suntu zboarăli a guvernatorului BNR, Mugur Isărescu, şi mutreaşti acâchisearea stand-by, ti 12,95 miliardi di euro, ţi Bucureştiul li apufusi cu Fondul Monetar Internaţional, şi la aranjamentili cu Uniunea Europeană, Banca Mondială şi BERD, pacheta totalâ di finanţari ditu xeani urmând să ajungă la aproapi 20 di miliardi di euro. Prota tranşă - di cinci miliardi di euro – lipseaşti s-hibâ bâgatâ la dispoziţia a autorităţlor români tu meslu mai. Unâ zigâ bunâ, moderaţie, angătanu şi bunâ chivirniseari a pârălui public – suntu, dupâ părearea a premierlui Emil Boc, coordonatili a politiţlor ţi România prindi s-li aibâ angâtanu ta s-treacâ cu ghini criza icunomică şi financiară globală. Meşl’i apriir şi mai s-pari câ va s-hibâ grei ti Executivlu di Bucureşti. Em şeflu a guvernului, cumu ş-aţel’i cari ghestionează ministerlu ali Icunumie, Adriean Videanu, deadiră hâbari că România lipseaşti s-treacă un testu greu tu chirolu ţi yini, câţe lipseaşti s- facă faţă “a unui cipit di sarţină ligat di execuţia bugetară”. Ama autorităţli di Bucureşti suntu optimisti. Eali spunu susto importanţa amintaril’ei diznou a pistil’ei pi icunumie, guvernatorlu BNR dzâsi câ, pi thimelu ali finanţari xeanâ, criştearea icunomică ali Românie va s-ducâ ninti. Mugur Isărescu: “Aesti sursi di finanţari publică va s-tânâ locu ti ma n’ica cuvârdeaţâ a capitallui privat andicra di România. Tu esenţă, pi thimeilu a resursilor a noastri, ama şi a aiştor resursi împrumutati, va s-duţemu ninti criştearea icunomică şi va s-asiguripsim macrostabilitatea ali vâsilie”. Şansili dânâsearil’ei a scâdearil’ei icunomicâ tu Româniea suntu nica sum semnul a întribaril’ei, luyursesaşti, ama, Mircea Geoană, liderlu a social-democraţlor - parteneri la guvernari a democrat-liberal’ilor alu Emil Boc. Mircea Geoană dzâsi câ easti ti avigl’iarea a persoanilor cu amintatic n’icu di efectili ali crizâ: “Să nu fâţemu iara greşca ţi u feaţimu di 20 an’i, ca nai ma slaghil’i ditu societati s-pâlteascâ hărgili ti aestu împrumut. Lipseaşti ca aesti s-hibâ repartizati pi ândriptati tu societati”. Zburânda ca membru a unui partid di opoziţie, aţelu di ma ninti ministru a finanţelor, liberallu Varujan Vosganian, luyurseaşti câ singura itie ti cari guvernul ari ananghi di împrumut ditu xeani easti anvâlirea a xichil’ei bugetarâ: “Împrumutlu di la FMI ari maş scupolu s-asiguripseascâ finanţarea a xichil’ei bugetarâ ţi guvernul ui ascâpă ditu mânâ. Practic, guvernul ari ananghi di aproapea 6 miliardi di euro ta s- asiguripseascâ responsabilităţili curenti a statlui. Nu poati s-l’ia aeşti pâradz di iu nu-l’i ari. Ti aţea s-âmprumutâ la FMI”. Autor: Corina Cristea Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International