Radio Romania International

Arhiva :

Republica Moldova – niaprucheari tră român’i
(2009-03-30)
Atea dit soni aspuneari: 2009-03-30 13:10 EET Print
Naima n’ic, naima nău şi naima familiar dit viţin’il’i ali Românie, Ripublica Moldova (ex-sovietică, majoritar romanofonă) armăni şi naima imprevizibilă. Vărnăoară dupu 1991, cându Chişinăulu ş-proclamă independenţa andicra di Moscova, nica şi după 2001, cându comuniştil’i rusofili s-turnară la puteari, ligăturli cu Bucureştiul nu fură ahăntu slabi. Românofobia sertă a regimlui cumăndusitu di prezidentul Vladimir Voronin agudi fără dănăseari, stămâna ţi tricu, cama di 200 di cetăţean’i român’i, a curi grănicerl’ii moldovean’i nu lă dădea izini, fără exighiseri loghiţi, s-treacă sinurlu ţi era idyiul. Aeşţă vrea s-l’a parti la ţeremoniili ţănuti cu furn’ia că s-umplură, viniri, 27 di marţu, 91 di an’i di la Unirea cu România a provinţiil’ei Basarabia (est), ţi eara pănă atumţea parti dit Imperiului Ţaristu. Pi ună parti a teritoriului ali Basarabie, xana-alichitu di sovietiţ tu 1940, fu adrată actuala Ripublică Moldova. Cu un psihanalizabilu complexu andicra di yiurtusearea a Uniril’ei şi, nica ş-ma multu, cu păltărli la mur pi fondul ali campanie tră alidzerli leghislativi di dumănică, neo-bolşevicil’i basaraben’i nu trapsiră mănă tra s-ufilisească metodologhii sovietiţi tra s-ambudyiusească calea cătă Chişinău a român’ilor tu cari ved alithil’i agenţă electorali ali opoziţie pro-europeană. Bucureştiul s-vidzu aestă turlie s-lă caftă tra s-dănăsească călcărli a nomlui contra a cetăţean’ilor român’i cari vor s-urdină tru statlu viţin şi să-l’i stipsească ti călcareaa a borgilor ţi suntu pruvidzuti, ies tu videală dit ligătura cu Uniunea Europeană. Tratamentul faptu ti român’i nu easti simfun ş-niţi uidisit, va s-dzăcă ti aprucheari andicra di statutlu a lor di cetăţeni europeni – cundil’e, tu un comunicat, ministerlu român ti Externi. Iara ministurlu Cristian Diaconescu feaţi timbihi că un ahtari purtaticu nu va s-armănă nividzut Bruxelles, iu tamam să zburaşti ti mandatul di păzărăpseari cu Chişinăulu ligat di yinitorlu acordu anamisa di Uniuni şi Ripublica Moldova. Diaconescu cundil’e: “Nu nă pripunem contra-apofasi. Doi: nu s-bagă problema a unăl’ei reacţii emoţionali, niţi di ună parti, niţi di alantă. Trei: ari un proţes electoral tu dizvărteari tru Ripublica Moldova, şi aestu lucru noi lu-tin’isim, tu condiţiili tu cari tuti imnă pi cali democratică, cu tin’isearea-a prinţipiilor europeani. Patru: dit punctul di videală a mesajilor a noastri, după cum şti-ţ, zburămu dit cumata instituţională. Mesajili a meali suntu fapti instituţional, furn’ie ti cari, atel’i ţi au urecl’i ti avdzari s-avdă şi s-duchească.” Textul:Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International