Radio Romania International

Arhiva :

Criza icunomică şi piricl’iurli sociali
(2009-03-23)
Atea dit soni aspuneari: 2009-03-23 13:31 EET Print
Luyursitu di adversari unâ furtie pi guşi di cari nu eara ananghi, creditlu ţi România si ndreadzi s-lu l’ia di la FMI easti, dip al’iumtrea luyursitu di aţel’i di la puteari unâ “curauâ di siguranţă” cari poati s-li ascadâ efectili a crizâl’ei icunomicâ. Premierlu Emil Boc dzâţi câ adrarea, cu izni di la Uniunea Europenâ, a unâl’ei acâchiseari cu Fondul ari un caractir preventiv, şi împrumutul, di vârâ 19 miliardi di euro, va s-hibâ ufilisitu ti ândruparea ali xichi bugetarâ ş-ali activitati icunomicâ. Boc dzâţi câ pâradzl’i va lu nvârtuşeadzâ stoglu di la Banca Naţionalâ, va lu tânâ cursul leu-euro pi un nivel acceptabil şi va s-da cali la creditari: “Nu himu azâ tu situaţia dramatică s-avemu ananghi, di la unâ dzuuâ la alantâ, di pâradz. Ama, macă nâ ndridzemu di cu chiro, li ascâdemu efecteli negativi ali crizâ dimi prota ş-prota dauă componenti majore: tânearea a cursului euro-leu, pi un nivel suportabil ti icunumii şi ti dun’iauâ şi, di aoa, ananghea ca român’il’i s- poată ş-li pâlteascâ creditli ţi li au la bănchi. Defturlu aspectu easti darea cali diznou la creditari tu Românie.” Cu tuti aesti misuri, faţi timbihi un raport al Economist Intelligence Unit (EIU), tu Românie easti piricl’iu sâ s-facâ protesti sociale, şi stabilitatea politică poati s-hibâ ş-ea tu piricl’iu. "Situaţia icunomică şi criştearea a şomajlui potu s-aducâ turbulenţi sociali tu Românie, vâsilie a curi işeari ditu comunismu fu nai ma preşcava dit Europa di Estu, cu excepţia ali Yugoslavie” - adavgă EIU. El’i lu bagâ Bucureştiul pi loclu 66, ditu 165, tu un top a piricl’iului di convulsii interni. Indicili di instabilitati politicâ ali României easti di 6,4 puncti, nai ma bunlu scor, di 1,2 puncti, hiinda datu ali Norvegie (loclu 165), ş-nai ma slablu, di 8,8 puncti, a statlui african Zimbabwe (loclu întân’i). Di statili cari au aderat la UE tu an’il’i 2000, maş Estonia şi Letonia şedu ma slab. Politologlu Cristian Pârvulescu, a curi zboarâ li tipuseaşti jurnalu ROMÂNIA LIBERĂ, nu aproachi ama sţenariul a nâscântor revolti di anvergură. Câţe, dzâţi elu, sindicatili suntu, practic, la remorca PSD, asociat la guvernari cu PD-L (pro-prezidenţial). El si aşteaptă, aşi, ma multu la “minări sfuldzir, dezorganizati, cari va s-astingâ pi ayunie”. Analistul icunomic Ilie Şerbănescu pistipseaşti, ama, că piricl’iu a nâscântor protesti preşcavi easti multu mari, câţe, tu campania electorală di toamna ţi tricu , “politicien’il’i arâsirâ ca baia, ş-tora misurili loati contrastează para multu cu aţeali ţi furâ tâxiti atumţea.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International