Radio Romania International

Arhiva :

Luyurseri icunomiţi negativi
(2009-03-20)
Atea dit soni aspuneari: 2009-03-20 12:32 EET Print
Ritmul tu cari s-facu previziunili mutrinda evoluţia ali icunumie mondialâ easti fără precedentu, pi misura a crizâl’ei cari acâţă planeta. FMI ari publicată al patrulea raportu tu ma puţân di şasi meşi, iara prognoza sună arău – icunumia mondială va s-înreghistreadzâ unâ contracţie di 0,5-1% tu 2009, nai ma marea di 60 di an’i pânâ tora. Statili Uniti, prota icunmii a lumil’ei, va s-ascadâ, dzâţi raportul - cu unâ rată anuală di 2,6 proţenti, iara Japonia, deftura forţă icunomică mondială, cu aproapea 6 proţenti. Unâ recesiuni sertâ va sâ s-facâ şi tu statili cu economii emerghenti şi tu aţeali pi cali di dezvoltari. FMI faţi timbihi maxusu ti ascâdearea a indicatorlor ditu vâsiliili ali Europâ Chentralâ şi di Estu, slăghiti di itia a deficitilor mări di contu curentu şi a ascâdearil’ei a fluxurlor di capital. Pi lista naio ma slăbuşchiloer suntu statili baltiţi, Ungaria, Croaţia, România şi Vâryâria. i thimeilu ali solidaritati, invocată ca principiu ţi guvernează spaţiul comunitar, Uniunea Europeană apufusi să suplimenteazâ fondurli dati aiştoru. Un împrumut di la Fondul Monetar Internaţional agiundzi ş-el di ananghi pi aestu fundal icunomic, ari explicatâ reprezentantul ali Românie la FMI, aţelu di ma ninti ministru di finanţi, Mihai Tănăsescu: „Vulnerabilitatea nai ma mari u duchescu vâsiliili ditu Europa Chentralã şi di Estu. Sigura, aestă listâ a FMI spuni că România, deadunu cu alti stati, easti pi unâ halâ tu cari icunumia va s-ascadâ multu tu aeşti an’i. Aestu lucru faţi ca, tora, experţâl’i a Fondului şi aţel’i ali Comisiei Europeanâ s-hibâ prezenţâ Bucureşti ta s-discutâ aestâ pachetâ financiarâ ti 2009 – 2010; pistipsescu câ aestă acţiuni di prevenţie a autorităţilor români, a Guvernului prindi s-hibâ hiritisitâ, tu sensul că, tu momentul di tora, aestâ predicţie a FMI u aflâ , unâ turlie România ândreaptâ cu unâ pachetâ financiarâ ta s-poatâ s-facâ faţă la unâ yinitoari aspârdzeari ali catandisi icunomicâ ditu aestâ zonã ali Europâ”. Macă 2009 easti anunţat ca anlu ali crizâ, 2010 poati s-hibâ aţelu a ahurhitâl’ei ali redresari – una ca afiritâ şi condiţionată di adrarea ma buni a condiţiilor financiari şi a aţilor di creditari, stabilizarea ali pâzari imobiliarâ ditu Statili Unite, cumu şi di impactul pozitiv a pâhadzlor cama n’iţ la petrol şi alti materii primi. Ti anlu ţi vini, FMI prognozează unâ crişteari icunomicâ mondialâ di până la 2,5%. Tu aţea ţi mutreaşti zona euro, după unâ ascâdeari luyursitâ ma multu di 3 proţenti tu 2009, va s-yinâ unâ n’icâ cristeari, di 0,1% tu 2010. Autor: Stefan Soica Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International