Radio Romania International

Arhiva :

Anamisa di recesiuni şi achicăsearea cu FMI
(2009-03-19)
Atea dit soni aspuneari: 2009-03-19 12:42 EET Print
Apufusitu ca sigura pi thimel’ilu a aspărdzeariljei catandisea economică, yinitorlu acordu di împărmut cu FMI va s-aibă, ama, maş un caractiru preventiv şi nu va s-aducă după el criştearea a cotăl’ei unică di 16% şi a Taxăl’ei pi valoarea adăvgată – deadi asiguripseri premierlu român, Emil Boc. Economia românească, ună di tu naima dinamiţi dit UE anlu ţi tricu, va s-n’icşureadză aţea ţi va li ahăndusească niscănti deficiti/ixichi. Reprezentantul ali Românie la FMI, Mihai Tănăsescu: “Avem dininti ună contracţie ghenerală a crişterlor economiţi tu Europa şi tru tută lumea; şi economia românească tradzi. Fără s-dăm ţifri, anlu aestu, România va s-aibă ună scădeari economică cabaia vărtoasă, aţea ţi faţi că aestu acord cu FMI s-hibă, păn tru soni, ună ascăpari, ună andrupari cu păradz cari poati s-ndreagă ntrăoară, catandisea greauă pi nivel mondial”. Aţeali dit soni isăchi fac agărşiti prognozili mplini di nădii pi cari executivlu timil’iusi bugetlu, iara pruvidzuta crişteari economică di 2,5% easti tu piricl’iu s-hibă amendată, sertu, di realitati. U pricunuşti, orlea zorlea, ministurlu di finanţi, Gheorghe Pogea : „Nu mi aspar şi nu am niţi ună găilipseari să spun că, ma s-hibă zori, va s-alăxim perspectiva a criştearil’ei tu noimă negativă, va u făţem, căţe aestu easti averlu. Cum să spun mini, ca ministru di finanţi, că tru România amintatiţli publiţi va s-hibă ma mări, cându dinamica a business-lui scadi? Dit punctu di videari a structuraril’ei economiţi noi nu avem nica ună economie ndreaptă, că ma multu easti ună crehtă. S-nu vă ciudusească că triţem di la 2 la minus”. “Autorităţli zburăscu limbid, ti prota oară, di scădeari economică”, cundil’adză ZIUA pi mardzina a hăbărlor slabi di la FMI mutrindalui intrarea tu recesiune. Niconfirmati ufiţial, ţifrili cari urdină tu presă suntu găilipsitoari – crişteari negativă di 4% tu 2009, ixichi bugetară di 4,7 proţenti. “FMI păzărăpseaşti pi un sţenariu di recesiuni sertă”, confirmă ROMÂNIA LIBERĂ. Jurnalu aleadzi analiştil’i cari spun că scădearea a Produslui internu brut va s-hibă consecinţa a n’icşuraril’ei em a consumlui, em şi a investiţiilor. COTIDIANUL zuyrăpseaşti tu registru dramatic catandisea economică şi coliziun’ili politiţi cari u nsuţăscu, sum numa „Aţel’i patru premieri ali Apocalipsă di minus 4”. Ună ş-ună yin exighiserli – Emil Boc, Mircea Geoană (liderul PSD), Traian Băsescu şi FMI u duc România pi nturyisita a crizăl’ei: 4% crişteari negativă, ixichi 4,7%, împărmut di 18 miliardi di euro”. Niţi GANDUL nu ari hăbări buni. Aşi cum spuni publicaţia, bănţăli nu s-ayun’iusescu să scadă tocurli, acă acordul cu FMI li avantajeadză. Textul: Ştefan Stoica Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International