Radio Romania International

Arhiva :

Nadii economiţi a anlui 2012 – 2011.12.06
(2011-12-06)
Atea dit soni aspuneari: 2011-12-15 17:30 EET Print
Rata ali inflaţie tru România poati s-agiungă, tru andreu, sum nivelu di 3,3%, prognozat di Banca Naţională tru aţel dit soni raportu trimestrial. Aestă easti isapea faptă di guvernatorlu a BNR, Mugur Isărescu, tru ună conferinţă, ţi u ţănu pi tema ali inflaţie, ndreaptă Bucureşti. „Datili nu spun ici ti slabu, indiţili a păhadzlor di consum, cara tendinţili di tora va s-ducă ma largu, nu maş că va s-armână tru limitili a marjilor minduiti di Banca Naţională, ama ari căbili că, tru andreu, inflaţia di cafi an s-hibă ma n’ică andicra di aţea dit soni a noastră prognoză, cari şi aţea fu lugursită cu nădie”, spusi Isărescu. Tru brumar, BNR năpoi u alăxi tru scădeari prognoza tră bitisita a anlui di la 4,6% la 3,3%, iara proiecţia tră 2012 fu n’icşurată di la 3,5% la 3%. Isărescu lugurseaşti, că tru marţu anlu ţi yini, inflaţia poati s-agiungă chiola ş-la dauă proţenti, iara scăderea a păhadzlor va să s-facă ş-tru chirolu ţi yini. Guvernatorlu zbură şi tră cursul di alăxeari ali monedă naţională ali Românie. El spusi că aestă fu relativ stabilă tru condiţiile tru cari fură mintireaşi tru zona euro, cari s-yilipsiră tru scăderi multu ma importanti a valutilor tru Europa dit Apirită. Mugur Isarescu: „Cursul di alăxeari agiumsi s-hibă relativ stabil, tru condiţiili tru cari fură mintireaşi cadealihea tru zona euro. Şi rezervili valutari, rezervili internaţionali a Băncăl’ei Naţionali armăn tru scară analtă, nica pisti nivelu optim. Tocurli agiumsiră s-hibă alăxiti tru loc tra s-crească. Şi la mpărmuturli tru lei, dit yinar 2009 până tru aestu chiro, chirolu pi cari noi lu număsim "chirolu a crizăl’ei", scădearea easti evidentă”. Di altă parti, aşi cum spun datili tipusiti, marţă, di Institutlu Naţional di Statistică Publică, Produslu Internu Brut ali Românie criscu, tru termen’i reali, tru proţl’i 9 meşi a anlui, cu 2,7% andicra di idyiul chiro dit 2010. Crişterea a PIB fu andrupătă di agricultură, industrie şi construcţii. Comisia Naţională di Prognoză u ţănu tru idyea scară, tră 2011, isapea ti crişteari economica di 1,5%, ama u alăxi tru scădeari proiecţia tră anlu 2012, di la 4% la nai cama multu 2,3%. Autor: Leyla Cheamil Armânipsearea: Taşcu Lala Puteţ tra s-ghivăsiţ nota pi www.rri.ro ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International