Radio Romania International

Arhiva :

Moeabeţ bugetari- 2011.12.05
(2011-12-05)
Atea dit soni aspuneari: 2011-12-06 12:09 EET Print
Proiectul tră nomlu a bugetlui di stat şi aţel a asiguripserlor suţiali pi 2012 intrarară, di ază tru moeabeţli a comisiilor di speţialitati dit Parlamentul ali Românie. Tru turlia adoptată di Guvernu, bugetlu easti minduit pi ună creastiri economică di 2,1%, pi un deficit bugetar di 1,9% şi pi ună inflaţie di 3,4% - indicatori macroeconomit lugursiţ proţl’i sturi ali construcţie bugetară. Premierlu Emil Boc alavdă minduita bugetară a cabinetlui a lui şi cundil’eadză că hălătli ţi u zugrăpsescu sunt prudenţă, responsabilitate, investiţii şi locuri di lucru. Tut cu tut, bugetlu di stat pi 2012 pruveadi ună suplimentari cu dauă miliardi di lei (aproapea 480 di miliun’i di euro) a investiţiilor şi ună politică fiscală di sirţăl’ie, cari nu acaţă tru isapi crişteri la tin’iili di cafi mes şi pensii. Premierlu declară că executivlu nu s-arădi cu pripuniri electorali şi populisti tră 2012 şi cutugursi aţea ţi număsi “perspectiva aventurieră” tu ligătură cu bugetlu pripus di Opoziţie, cari dipusi nu ma puţăn di optu n’il’i di amendamenti. Emil Boc: Opoziţia nă pripuni născănti apofasi, cari pot s-ducă la criştearea a deficitlui cu 3,8 proţenti. Patru proţenti dit PIB deficit ma multu nsimneadză 5,2 miliardi di euro. Minduiţ, că România poati s-hibă pistipsită că va s-hibă axi tra ş-aducă păradz di nafoară ică di altu iuva? Aestă va să spună că ună ş-ună lipseaşti să u ncl’idem văsilia”. Tru arada a lui, caplu a liberalilor, Crin Antonescu, co-lider ali USL, tru cari s-adună Opoziţia, spuni că proiectul a bugetlui di stat pi 2012 easti un ali ftuhie, şi a niăndriptatil’ei. El arucă stepsul că păradzl’i ahărdziţ tră educaţie, cultură, agricultură şi avigl’eari suţială scad, chiro tru cari fondurli ahărdziti, ti paradigmă, tră serviţiili di informaţii crescu cabaia. Tutunăoară, Antonescu nu trapsi mănă tra să spună că Putearea mindueaşti tra s-alăxească bugetlu tru un sfungu electoral cari s-aibă scupolu tra s-amintă voturi la alidzerli locali si parlamentari dit anlu ţi yini. Crin Antonescu: “Iţi variantă di deficit sum 2% nu poati să s-bagă tru lucru tru 2012. Scupolu ascumtu a Guvernului di tora easti tra s-agiungă tut la un deficit di 3%, ama s-ufilisească tru scupadz electoral’i, ti furn’ia că va s-avem alidzeri, prit rectificări ună dupu alantă, miliardi di euro”. Analiştil’i lugursescu că variantili di bitisită a aţilor dauă bugeti pot s-aducă multi şi mări surprizi. Autor: Florentin Capitănescu Armânipsearea: Taşcu Lala Puteţ s-ghivăsiţ nota pi site-ul a nostru www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International