Radio Romania International

Arhiva :

Media Top – 2011.12.02
(2011-12-02)
Atea dit soni aspuneari: 2011-12-05 13:48 EET Print
Agiumtă după cumitia anticomunistă dit 1989, Dzuuă Naţională ali Românie, 1 di Andreu easti momentul ti amintarea a statlui naţional unitar român. Aoa şi cama di nauâ dechenii, Transilvania s-făţea ună cu Regatlu ali Românie dupu ună rezoluţie dată di Marea Adunari di Alba-Iulia. Actul politic di la 1 di Andreu 1918 fu rezultatlu a excelentăl’ei politică externă românească şi a participaril’ei ali Românie la protlu polim mondial, ntră 1916 şi 1918, deadun cu Franţa, Anglia, Rusia şi SUA. Unirea ali Transilvanie cu România fu aţel dit soni actu di thimil’iuseari a statlui naţional unitar cari vrea s-hibă pricunuscut tru plan internaţional cu sinurli a lui la Congreslu di irini di Paris. Tră român’i, 1 di Andreu easti un momentu privilegiat di solidaritati naţională. Ca tru cafi an, şi tora Dzuua Naţională fu yiurtusită, tru idyiul chiro, tru tuţ căsăbadzl’I a văsiliil’ei, ama şi nafoara a sinurlor, di român’il’i dit Ripublica Moldova (ex-sovietică, majoritar romanofonă) ama şi di aschirladzl’i român’i cari l’ia parti la misiun’i internaţionali di irini. Slujbi relighioasi, paradi militari, manifestări culturali şi suţiali lu anvărtuşiră, tin’isitu ică exuberantu, sentimentul di sărbătoari. Chipita a manifestărlor di yiurtuseari fu reprezentat di tradiţionalili defilări di ascheri şi tehni modernă di alumtă. “Paradă militară, muzică di fanfară, n’il’i di pheati cu fisul’i, arăchie heartă, băn’i tru dun’eauă şi ndauă aurlări, cutugurseri“ – zugrăpseaşti JURNALUL NAŢIONAL hăvaia dit dzuua di 1 di Andreu. “Un 1 di Andreu caldu, cari aprăftăsi s-adună la sărbătoarea di sum Arcul di Triumfu un numir-recordu di bucureşteni: cama di 25 di n’il’I’i”, cundil’eadză publicaţia. JURNALUL NAŢIONAL aduţi aminti că şeflu a statlui român, Traian Băsescu, lo parti la manifestărli di Bucureşti, iu feaţi ună ban’ie tru dun’eauă, ama s-ampulisi ş-cu niifharistuserli a născăntor cetăţen’i. Niţi premierlu Emil Boc nu ascăpă di aurlări, la Alba Iulia, tu oara căndu dipunea născănti cărun’i di lilici. “Român’il’i s-alinară pi tancuri ca la Revoluţie” ngrăpseaşti , pi di altă parti, EVENIMENTUL ZILEI, anda faţi aduţeari aminti tră un momentu inedit cari s-feaţi Bucureşti, iu după modelu parizian a defilărlor di pi bulevardul Champs-Elysees, militarl’ii dănăsiră tehnea militară şi alăsară publiclu tra s-alină pi tancuri ică s-iasă tru cadhuri deadun cu lansatoarili di racheti. S-feaţi aşi ună turlie di ”fraternizari” di turlia a aţil’ei cari ciudusi şi ăl’I feaţi ună tru idyea scară România tru andreu 1989, lugurseaşti EVENIMENTUL ZILEI, cari cundil’eadză că vedetili di amprotusa ali manifestari fură cilimean’il’i, ţi eara viniţ tru mari numir tra s-veadă parada. Autor: Mihai Pelin Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International