Radio Romania International

Arhiva :

Sâptâmâna a referendumlui
(2007-05-14)
Atea dit soni aspuneari: 2007-05-14 14:04 EET Print
Tu aţeali 848 di dzâli ca şef a statlui tu funcţie, Băsescu spusi temi ambiţioasie, ndrupati di dun’iauâ şi di unâ elitâ intelectualâ. Alumta contra ali corupţie (aruşfeti) şi reformarea a clasâl’ei politicâ suntu maş dauâ di aesti, poati nai ma importantili. Ama, spuni mi multu i ma puţânu avâlitu prezidentul suspendat, aesti suntu şi prinţcipalili itii cari au coalizatâ contraa lui aproapea ântreaga clasâ politicâ di Bucureşstiaţel’i 322 di parlamentari cari lu scoasirâ di pi lucru ti unu mesu di dzâli – stepsu ţi nu ari thimel’iu , dzâţi Curtea Constituţionalâ, cari şi-u spusi minduita consultativ tu aestâ chestiuni. Incontestabil nica nai ma vrutlu politician a momentului, Traian Băsescu putu di scoasi pi sucăchi dzăţ di n’il’i di andrupâtori la mitinguri organizati tu prinţipal’i câsâbadz ali Românie: Bucureşti, Constanţa, Iaşi, Cluj, Sibiu ş-Craiova.nai puţân 12 di manifestaţii di ândrupari, la Londra, Montreal, Dublin, Hamburg, Paris, München, Castellón, Florenţa, Milano, Torino, Roma si Bonn. "Votul a vostru negativ va s-aducâ unâ cutrimburari clasa politicâ di azâ " sumcundil’ie prezidentul suspendat tu un mesaj pitricut a român’ilor di iuţido. "Bătearea ti unâ democraţie vârtoasâ intrâ tora pi linie ândreaptâ. Maca va vă mobilizaţ şi va sâ spunrţ NU la referendumul dit 19 di maiu, cuvetea a voastră va s-ânchiseascâ unâ nauâ revoluţie. Unâ pi cari vârnu nu mata va s-poatâ s-vâ u furâ. Am umuti câ, prit aestâ nouă revoluţie, să scutemu tu padi tut ţi ari ma bunu societatea a noastrâ. S-nâ adunămu anvârliga a valorlor autentiţi, s-bâgămu zori a sistemlui ca ndriptatea s-agiungâ posibilă" - spuni Traian Băsescu. Niţi adversarl’i a prezidentuelui nu şedu cu mân’ili ân sin. La mitingurli anti-Băsescu, prezidentul suspendat Mircea Geoana, liderlu a principalului partid di opozitie, PSD, âl’i bâgă stepsu al Băsescu câ s-anvârligă di oamin’i oameni asparţâ cari a mpârtârâ România tu parei di interesi. "Ufilisearea ali minciunâ ş-ali calomnie agiumsirâ unâ parti dit caracterlu al Traian Băsescu" spuni, tu aradha a lui, prezidentul onorific l social-democraţlor, Ion Iliescu, ţi fu şef a statlui, tu premierâ la un miting a PSD di cându u chiru cumândusearea a partidlui. Parteneri tu alidzerli dit 2004 - cari au adusâ la puteari alianţa adratâ dit democraţl’i al Traian Băsescu şi liberal’i a premierlui di tora Călin Popescu Tăriceanu – przidentul şi primlu-ministru suntu tora tu parei adversi. Caracterizarea ţi Tăriceanu l’i-u faţi al Băsescu easti dip limbidâ: "obsedat di puteari, obsedat di pâradz". Tu ţi misurâ puturâ dauâli părtâ s-cândâseascâ? Un sondaj di opinie adrat di Chentrul di Sociologii Urbanâ ş- reghionalâ (CURS), tu chirolu 7-11, scoati tu migdani câ 70% di român’il’i ntribaţ voru ca Traian Băsescu sâ-şi ducâ ninti mandatlu, iara ti demiteri si spunu 23% di aţel’i ântribaţ. Di aţel’i 66% român’i cari dzâsirâ câ au umuti s-voteadzâ la referendum, maş 7% nica minduiescu ţi deţizii s-l’ia. Datili a sondajlui CURS ş-u aducu cu aţeali a unâl’ei cercetari INSOMAR datâ trâ şteari tu ahurhita a meslui mai, cari spuni câ 71% di român’il’i cu ândreptu di votu va sâ spunâ contra a ascutearil’ei di pi ipotisi a prezidentului Băsescu. Autor: Corina Cristea Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International