Radio Romania International

Arhiva :

Cari esti aguditu di crizâ?
(2009-03-04)
Atea dit soni aspuneari: 2009-03-04 14:59 EET Print
Tuti prognozili di crişteari icunomică pi plan mondial va s-hibâ alâxiti pi scâdeari, iara România nu poati s-armânâ izolată di aţeali ţi s-facu tu lumi,a declară guvernatorlu ali Bancâ Naţionalâ, Mugur Isărescu, la un seminar mutrinda impactul a crizâl’ei internaţionali ţi s-tânu aieri Bucureşti. Elu feaţi timbihi câ România easti tu piricl’iu ca, atunţea cându va li ducheascâ efectili a crizâl’ei icunomicâ mondialâ, s-hibâ curmatâ. Isrăescu sumcundil’ie câ Romania ari particularităţ a ţiclului icunomic, cari easti defazat tu comparaţie cu aţelu ditu Europa Occidentalâ, şi ti aţea lipseaşti sâ s-aleagâ anamisa di fenomenili reali di criză şi aţeali virtuale, nâscânti ori exagerati, alteori denaturati. Guvernatorlu dzâsi câ nai ma marea parti ali borgi tu xeani ali Românie s-ari ânreghistratâ pi fondul a alumtâl’ei ti cota di pâzari a bănchilor comerciali şi câ stogurli valutari nu suntu duri căţe nu mata s-raportează la importuri, câ la borgea comercială pi chiro şcurtu. Un eventual credit contractat di autorităţli di Bucureşti di la Fondul Monetar International va s-aibâ tu scupo tamam avigl’iarea a stogurlor valutari ali vâsilie, cama spunea Isărescu. Criza icunomică şi financiară feaţi ca valoarea a restanţilor (armânerlor nâpoi) la creditili contractati di populaţie s-crească considerabil tu Românie, maxusu tu cazlu a împrumuturlor loati tu valută. Datili a Bancăl’ei Naţionalâ spunu câ, tu meslu yinaru 2009, restanţili la creditili pi valutâ au criscutâ cu 46%, iara la împrumuturli pi lei criscurâ cu ma multu di 10%. Unu altu sector aguditu di crizâ easti pâzarea di leasing, cari, spunu specialiştil’i, va s-ânreghistreazâ , estan, unâ câdeari anamisa di 20 şi 30 %. Pi di altâ parti, un studiu faptu di Mednet Mareketing Reasearch Center şi Media Xprim, spuni câ vârâ 33% di român’i dzâcu câ suntu agudiţ directu di actuala crizâ financiarâ şi maş 15 % dzâcu câ nu suntu ici agudiţ. Idyiul studiu spuni câ bânâtorl’i ditu mărli câsâbadz ditu provincie li duchescu ma multu efectili a crizâl’ei di aţel’i ditu Capitalâ. Tu aţea ţi mutreaşti amintaticlu, 34% di român’i luyursescu câ aesti va s-ascadâ multu, 27% câ va s-ascadâ di mersi, iara 25% anticipeazâ câ impactul va s-hibâ n’icu. S-pari ama câ existeadzâ şi dumen’i rezistenti la crizâ. Un sondaj adratu di institutul austriac ti economie Zew şi Erste Bank spuni câ industria alimentarâ, agricultura, producţia di mehanii şi echipamenti industriali şi comunicaţiili par s-hibâ dumeniili rezistenti la criza finanaciarâ, em tu Romanie, em tu ântreaga reghiuni chentral şi estu-europeanâ. Autor: Andreea Bojoi Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International