|
|
| Andamusi interguvernamentală româno-israeliană – 2011.11.25 |
| (2011-11-25) |
| Atea dit soni aspuneari: 2011-11-28 13:46 EET |
Lucrătorl’i român’i va s-poată tra s-intră pi lucru tru Israel tru dumenea a construcţiilor, iara investitorl’ii israelieni pot tra s-agiută tra s-hibă adrati şasi spitali reghionali tru România. Suntu maş doi di scupadzl’i apufusiţ Ierusalim la prota andamusi interguvernamentală româno-israeliană. Sănătatea, praxea, angajarea a forţăl’ei di lucru, avigl’iarea a fisil’ei, cata cum şi apărarea, agricultura şi turismul sunt protili dumenii tru cari România şi Israelu au idyili sinferuri.
Cu furn’ia ali andamusi, Ierusalim fură simnati ma multi achicăseri bilaterale şi protocoali di lucru deadun tru aesti sectoari cari, aşi cum spuni premierlu român, Emil Boc, yilipseaşti volea a aţilor dauă văsilii tra s-ndreagă un vărtos parteneriat. Premierlu israelian, Benjamin Netanyahu, spusi că s-feaţi ună jgl’ioată di simasie prit simnarea a achicăserlor cari u creaşti şi bagă vula tu aestă ligatură, niacăţată tru isapi di multu chiro. Aţel’i doi premieri nica dimăndară că România şi Israelu va s-dişcl’idă ună fundaţie tru dumenea ali cercetari-dezvoltari, cu agiutorlu a curi s-hibă amintati fonduri privati. Tutunăoară, aţeali dauă văsilii va s-ndreagă şi un ţentru specializat ti modernizarea ali infrastructură di comunicaţii. Premierlu român, Emil Boc:
„Tru dumenea ali cercetari şi dezvoltari, feaţim isapi ti căbilea tra s-adrăm ună fundaţii binaţională, tră cercetari şi dezvoltari, cari s-hibă un pol ti adunarea a know-how-lui ştiinţific şi tră finanţarea privată română şi israelieană. Tutunăoară, vrem tra s-ufilisim experienţa tru energhia veardi, izvurli reghenerabili, protocolu simnat nă da ună ahtari cearei şi, nu dip tru soni, va s-aduc aminti dumenea a turismului, ţi easti tru mplină creaştiri şi, prit turliili concreti ndreapti di aţel’i doi miniştri, va s-putem să u criştem aestă ligătură di lucru deadun”.
Caplu a guvernului di Bucureşti easti pi minduearea că un rol di simasie ti criştearea a ligăturlor româno - israeliene lu ari şi comunitatea a uvreilor di orighine română dit Israel, cari suntu ună apunti ti lucurlu deadun anamisa di aţeali dauă văsilii. Tru arada a lui, premierlu Benjamin Netanyahu scoasi tru videală ligăturli di suţăl’e multu buni anamisa di România şi Israel. El căftă ma multi sancţiuni contra a Iranlui, ti programlu a lui nuclear, ti cari lugurseaşti că easti un piricl’iu nu maş contra a Israelului, că ş-tră tută lumea. Benjamin Netanyahu:
„U spuş nădia că România şi alti văsilii europeani va s-bagă sancţiuni serti a Iranlui, ninti tra s-hibă dip amănat. Escu di păreari că aesti sancţiun’i lipseaşti tra s-aibă tru amprotusa sectorlu petrolier şi, maxus, sectorlu bancar”. Emil Boc cundil’e că România easti simfună tru ţi mutreaşti gailelu ţi lu ari comunitatea internaţională tu ligătură cu Iranlu şi va s-tin’isească apofasili ţi va s-hibă loati pi nivel ONU şi ali UE, şi ari sinfer nai ca ma multu ti ndridzearea a problemilor tru ună turlie irin’iatică şi diplomatică.
Autor: Daniela Ştefănescu
Armânipsearea: Taşcu Lala
Puteţ tra s-ghivăsiţ nota pi www.rri.ro şi pi Facebook.
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido