Radio Romania International

Arhiva :

Criză şi vulnerabilitati
(2009-02-25)
Atea dit soni aspuneari: 2009-02-25 16:06 EET Print
“Icunumiili dit Europa di Estu potu sâ aibâ sâ s-alumtâ cu unâ criză reghională di amploari, pi misură ţi ayâlisearea ali icunumie mondialâ duţi la scădearea a câftaril’ei ti exporturli a loru, iara bănchili occidentali cari furâ aguditi di criza a creditlui li ascadu împrumuturli”. Experţâl’i di la Standard & Poor's dzâsirâ câ “suntu prezenti tuti ingredientili ti unâ criză reghională semnificativă, amploarea a problemilor nihiinda idyea nuntrul ali reghiuni, aţea ţi duţi la unâ diversificari a perspectivilor ti vâsiliili ditu Europa di Estu“. Nai ma noulu raportu ali aghenţie di rating u bagâ România anamisa di vâsiliili cu vulnerabilitati mari, deadunu cu statili baltiţi, Vâryâria şi Ungaria. Experţâl’i S&P pistipsescu că, după criştearea sânâtoasâ ali icunumie tu 2008, di 7,3%, România s-pari câ treaţi prit unâ ayâliseari di napandica tu 2009 ş- avansul PIB va s-ascadâ la 0,8% tu 2009”. Bucureşti, oficial’i ali Bancâ Chentralâ nu u aproachi ama aestâ încadrari. El’i dzâcu că România ari un reghim di flotari controlată a cursului - cari da izini a BNR s-intâ pi pâzarea valutară ta s-u ayâliseascâ icâ s-u şuţâ unâ evoluţii lugursitâ cu piricl’iu–, ari unâ icunumii di dimensiun’i ma mări, ama şi unâ dependenţă cama n’icâ andicra di finanţarea externă. Tora ayon’ia, guvernatorlu a BNR, Mugur Isărescu, dzâţea ama, că statlu român, cari di punctu di videari ali xichi publicâ nu ari problemi, va s-veadâ zori să si împrumutâ, unâ di prinţipalili itii hiinda borgili mări a companiilor privati, multi di aesti avânda scadenţa estan. “Nu nâ easti indiferentu desi unâ firmă armâni pi lucru icâ nu. Macă easti unâ catandasi greauâ tu întreaga Europă, tu întreaga lumi, mini escu interesat, ca stat, să-l’i dau unâ mână di agiutor, tu condiţii di legalitati, tu condiţii multu ghini apufusiti, ta s-escu sigur câ aestâ firmă armâni pi lucru”, spuni, tu un interviu dat ali revistâ “22”, ministrul român al Finanţilor, Gheorghe Pogea. Ali Românie va-l’i hibâ zori s-nu agiungâ la un acordu “preventiv” cu Uniunea Europeană şi Fondul Monetar Internaţional, cama spuni ministrul Pogea. El dzâţi ş-câ ari multi incertitudini, şi “un gram di prevenţii ângreacâ ma multu di un kilo di tratament, yitripseari. Ţiva nu easti para scumpu ti stabilitatea financiară ali vâsilie”. Sumili vehiculati tu aţea ţi mutreaşti agiutorlu externu suntu anamisa di 6 şi 10 miliardi di euro. Apufusitu s-li agiungâ pragurli optimisti ţi li ari pruvidzutâ tu bugetlu di stat ţi câtu tricu di Parlamentu, ministrul Pogea dzâsi ş-câ, macă Bucureştiul va s-aibâ zori cu relansarea ali crişteari icunomicâ, iara amintatiţli nu va s-hibâ ahântu cât furâ luyursiti, va s-hibâ scâdzuti hărgili ti luyurii, servicii şi personal, ta s-hibâ tânutâ ziga bugetarâ”. Autor: Corina Cristea Apriduţearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International