Radio Romania International

Arhiva :

Bugeti şi amintatiţi tru anlu 2012 (2011.11.14)
(2011-11-14)
Atea dit soni aspuneari: 2011-11-25 11:31 EET Print
Cu ună catastisi economică ma bună andicra di aţea di aoa şi doi an’i şi giumitati, România lipseaşti tra s-aibă ngătan, politiţli a l’ei ti chirolu yinitor avăndalui tru amprotusa chivernisearea cu hăiri a păradzlor. Bugetlu di stat ti anlu 2012, cari fu bitisit di Executiv, ari ma largu, tru idyiul chiro, ca scupadz ţănearea ma largu a locurlor di lucru şi criştearea a praglui ti investiţii. Tuti apofasili di Bucureşti s-l’ia cu acăţarea tru isapi a angajamentilor ţi ş-li lo România dinintea a creditorlor a l’ei internaţionali. Tru marţu, autorităţli di Bucureşti simnară ună achicăseari di turlie preventivă cu Fondul Monetar Internaţional, ti ună tin’ie di 3,5 miliardi di euro ş-cama, achicăseari andrupătă di un agiutor, tut preventiv, di 1,4 miliardi di la UE şi di un împărmut di 400 miliun’i di la Banca Mondială. Tru idyiul chiro, anlu 2012 va s-hibă tru România un an a alidzerlor şi, dit aestă videală, easti ti aştiptari ună zori cama mari pi bugetlu di stat, lucru ţi poati s-aducă ună influenţă tră scupadzl’i apufusiţ tru achicăsearea cu FMI ama şi politiţli fiscali. Proiectul di buget ti 2012 pruveadi îngl’iţarea a pensiilor şi a tin’iilor di cafi mes, ţănearea tru idyea scară a contribuţiilor suţiali pi nivelu di tora şi n’icşurarea a alocaţiilor tră giumitati dit ministeri, nica şi la Educaţie, Cultură, Agricultură şi Justiţie. Guvernul faţi isapi că rata medie a şomajlui va s-aibă anlu ţi yini ună lişoară scădeari, di la 4,9%, prognozată tră aestu an, la 4,5%, numirlu di şomeri înreghistraţ hiindalui tru plan tra să s-n’icşureadză tru anlu 2012 cu maş 35 di n’il’i di inşi, tra s-agiungă aşi la un total di 410 n’il’i di inşi fără loc di lucru. Premierlu Emil Boc u spuni căbilea că dit a daua parti a anlui, poati să s-facă ună crişteari a tin’iilor di cafi mes şi a pensiilor, ama maşi cara economia va s-aibă ună evoluţie pozitivă. Părerea easti îmbărţitată şi di caplu a misiunil’ei a FMI tru România, Jeffrey Franks. Tru un interviu la un post TV particular di Bucureşti, ufiţialu a FMI apruche că pensiili şi tin’iili di cafi mes a român’ilor pot tra s-aibă tru a daua giumitati a anlui 2012, ună crişteari tu praglu di mesi, di 3-4%. Ama, adăvgă Jeffrey Franks, România va s-aibă chindin şi anlu ţi yini mutrindalui problemili cu cari s-ampuliseaşti Europa, iara ună crişteari economică di simasie poati s-yină maş dupu ţi va s-treacă criza europenă. „Noi adrăm sţenarii pozitivi şi negativi tra s-videm cari suntu meatrili anănghisiti ta să u vigl’em economia românească. Ari catastisi pi plan mondial şi european cari pot să scoată tu videală ună crişteari ma n’ică, iara ma s-iasă tru videală aşi număsita diplo recesiuni tru Europa ică pi nivel mondial, aestă va li scadă ş-ma multu perspectivili a Româniil’ei", cundil’e Franks. Tru minduita a lui, consumlu şi investiţiili lipseaşti tra s-hibă anlu ţi yini protili mehanii di crişteari. Autor: Corina Cristea Armânipsearea: Taşcu Lala Puteţ tra s-ghivăsiţ nota pi site-ul a nostru www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International