Radio Romania International

Arhiva :

Codurli Penal şi Ţivil, ună urgenţă
(2009-02-19)
Atea dit soni aspuneari: 2009-02-19 11:19 EET Print
Aprucheată tu Uniunea Europeană la 1 di yinar 2007, România pari s-armănă un membru di a daua mâna a clublui comunitar. Autorităţli di Bucureşti nu putură nica s-căndăsească Bruxelles-lu că sistemlu judiciar lucreadză păn tu cap dupu planlu european, ashi că Justiţia dit România easti ma largu monitorizată. “Justiţia, cu stângu-n ndreptulu’” - nyrăpseaşti, limbid jurnalu EVENIMENTUL ZILEI, consemnândalui maş ună dit slăbinţili a sistemlui: “tu cauzi identiţi, idyea instanţă deadi cearei acutotalui ncuntrati.” Chipita a absurdului şi eşantion reprezentativ ti cum lucreadză sistemlu easti că subiectul a proţesilor ti cari ngrăpseasti jurnalu suntu “niachicăserli anamisa di Consiliul Superior ali Magistratură şi ma multi asociaţii profesionale a giudicătorlor şi procurorlor.” Tora ayon’ia, un nău raportu intemediar a experţălor UE scoati tu videală em ritmul scădzut a reformilor instituţionali, em şi ambudyiusearea di facto a dosarilor di mari aruşfeti. Găilipsiţ că restanţili pot s-ndreagă şi tu raportulu, cu ma mari griutati politică, dit veară, politicien’il’i român’i cilăstăsescu s-ascumbusească. Cum dit arada a urminiilor fapti di Comisia Europenă suntu şi votarea ntrăoară a Codurlor penal, ţivil şi, atel di proţedură penală şi proţedură ţivilă, prezidentul Traian Băsescu acl’imă, marţă, un comandamentu di criză. Participanţăl’i – liderl’i politiţ ali suţată guvernamentală PD-L-PSD şi căpiili a instituţiilor cu borgili tu dumeni – s-achicăsiră că ministerlu ali Justiţiei s-pitreacă a Guvernului proiectili di coduri stămăna ţi yini, cându Executivlu va li pitreacă nica ş-tu Parlamentu ca proiecti di nom. Tu arada-l’i, exighiseaşti ministurlu ali Justiţie, Cătălin Predoiu: “Parlamentul va s-aibă debat tu proţediră di ananghi proiectili şi va li voteadza până pi 15 di mai. Maca debaturli parlamentari nu lu-scot lucurlu ncap, atumţea guvernul va ş-l’ia borgea pi proiectili di nom, ahtari turlie că până la raportul di ţară dit veară s-avem codurli adoptate.” Prezidentul Băsescu năpoi spusi că nu să străxeaşti că România s-nu poată s-aducă ună lumachi di thimel’iu, aşi cum easti Justiţia, pi un standardu minimal di lucru, comparativ cu aţel ali UE. Şi cundil’e: “Luyursii că am borgea constituţională că aestă moeabeti să s-ţănă, iara ea s-hibă bitistă, nu ază orlea-zorlea, cu un plan di lucru cari să ş-lu l’ia ca borgi, tuti instituţiili ţi lipseaşti s-da ună apandisi bună tu numa ali Românie.” Textul: Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International