|
|
| Un raportu incomod |
| (2009-02-17) |
| Atea dit soni aspuneari: 2009-02-17 12:59 EET |
Tu un an di mari sirtsăl’e internă şi internaţională, Executivlu di Bucureşti năpoi şi aspuni căti ori ari arastea, apofasea ta s-n’icşureadză deficitlu bugetar la 2%, tu 2009. Idyea s-feaţi şi tu ahurhita a aiştei stamănă, cu furn’ia a lansaril’ei Raportul di cafi an di făteari isapianaliză şi prognoză a Societatil’ei Academiţi dit România. Autorl’ii a documentului suntu, ama, fără nădii că aestu scupo va s-poată s-hibă băgat tu lucru. El’i pruvedu ună ixichi bugetară iuva anvărliga di 5% şi fac timbihi că 2009 va s-hibă anlu cu naima marea volatilitati a indicatorlor macro dit aestu decheniu dit soni. Evoluţia a Produslui Intern Brut easti prognozată di experţăl’ii a Societatil’ei Academică dit România tu ună marjă di 6,5%, respectiv di la recesiuni sertă (-3,5%) până la ună crişteari tin’isită (3%). Tu idyiul chiro, ixichea di contu curentu poati s-hibă anvărliga di nivelu di 10,5-11% dit PIB. Inţertitudinea economică va s-hibă tu amprotusa, iara ambudyiuserli financiari, volatilitatea a cursului di alăxeari valutară, păhălu mari a mpărmutlui şi scădearea ayun’iusită a căftaril’ei va s-hibă protili problemi cu cari va s-ampulisească România, tu contextul a crizăl’ei economiţi globali, spun aţel’i di la Societatea Academică dit România. Urminiili fapti spun ti anvărtuşearea controlu la hărgili publiţi, imnăndalui până la îngl’iţarea a tin’iilor di cafi mes tru sectorlu bugetar tru tut chirolu a anlui 2009, ama şi la n’icşurarea a contribuţiilor ti asiguripseri suţiali şi aduţearea cât ma multi fonduri europene. Sorin Ioniţă, director executiv al SAR:
“Easti găilipsitor ţi s-faţi tu sectorlu public şi cum chiverniseaşti Guvernul bugetlu a lui işiş. Aestă easti aţea ţi nă faţi vulnerabili şi aţea ţi s-feaţi aoa şi doi an’i şi aţea ţi nu lipseaşti să s-facă di aoa ş-ninti, dimi, prognozi fapti n-al’iurea, isăchi nintimil’eati tră amintatiţi, păradz arcats pi geami. Dimi nă agiucăm an’i bun’i cu ună crişteari icunomică, bitisim un bun chiro cu borgi.”Tu ţi mutreaşti oportunitatea desi easti ti bun simnarea a unăl’ei achicăseari cu FMI, minduerli a specialiştilor armân ampărţăti. Giumitati di aeşţă luyursescu că ună ahtari gaereti, acăţată tu un program di reformi structurali pi chiro di mesi achicăsit cu UE şi cu alanţă parteneri internaţionali ali Românie, poati s-hibă singurlu ţi poati s-da a Guvernului spaţiu fiscal ti alanti apofasi ţi au scupolu s-n’icşureadză hărgili suţiali crizăl’ei şi s-da silă ali economie.
Textul: Corina Cristea
Apridutearea: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido