Radio Romania International

Arhiva :

Muabeţ ti ună nauâ Constituţie
(2007-05-11)
Atea dit soni aspuneari: 2007-05-11 13:11 EET Print
‘Tu numa ahântor dzăt di an’i di cându lucredzu ti aestâ naţiuni, vă pâlâcârsescu s-alâsaţ nanaparti âncâcerli, s-minduiţ ţi easti ghini ti populu şi s-daţ ali Românii unâ Constituţii sânâtoasâ ş-dişcl’isâ câtâ yinitoru’. Aestu easti mesajlu pi cari suveranlu di ma ninti ali vâsilie, vâsil’elu Mihai I, lu pitricu a politicien’iloru, tu unu momentu di heavrâ pi sţena politicâ autohtonâ. Nâinti cu unâ stâmînâ ca român’il’i s-yinâ la referendumlu mutrinda demiterea a prezidentului suspendat, Traian Băsescu, vâsil’elu deadi tu 10 di maiu, dzuua naţionalâ ali Romanie pînă la yinearea a comuniştilor la puteari, unâ lecţie di banâ şi maxusu di morală şi tânu unâ cuvendâ politicâ după unu lungu chiro tu cari ‘discreţia’ (afirearea) fu zborlu cari lu caracteriză. 'Avuiu tin’ia s-hiu bâgatu Vâsil’ie ali Românie aoa ş- 80 di an’i, cîndu niţi unu di oamin’il’i politiţi di azâ nica nu s-avea amintatâ. Giuratlu di vâsil’ie ân’i câfta s-li tin’isescu Constituţia şi nomurli a popului român, s-li vegl’iu ândrepturli a lui naţionali şi integritatea a teritoriului. Tut elu ân’i spunea câ vrearea ti vâsilie şi angâtanlu ti yinitorlu a l’ei suntu singurlu a nostru scupo'. Patrulu ş-aţelu dit soni vâsil’ie dit dinastia Hohenzollern-Sigmaringen, Mihai I-lu u lo curuna, cându eara tu ilichie di maş şasi an’i, di la afendu-su, Carol al II-lu, şi u cumândusi România chiro di trei an’i sum regenţâ. Agiumsi diznou suveran tu 1940, tu un chiro mintitu tu istoria mondialâ. Singurlu şef di stat ţi nica bâneadzâ di aţel’i ţi eara la puteari tu chirolu a Doilui Polimu Mondial vidzu zori di la comyuniştii s-alasâ putearea tu 1947. Dupâ dzâţ di an’i di exil tu Elveţia, elu s-turnă tu Românie după revoluţia anti-comunistâ. Suveranlu di ma ninti pistipseaşti câ, tu ahurhitâ di cali europeanâ şi nord-atlanticâ, România lipseaşti s-facâ unâ jgl’ioatâ istoricâ, identitarâ şi statalâ. Easti zborlu ti alâxearea ali Constituţie ahatari turlie câ aestâ, tin’isinda adetea şi democraţia, s-da un rol limbid, nimintitu şi complementar a instituţiilor a statlui. Dimi, unâ Constituţie cari s-u spunâ ma limbid ampârtărea a puterlor tu statu. Maş aşi - pistipseaşti vâsil’elu Mihai - poati s-hibâ adratâ reconstruirea icunomicâ şi socială ali vâsilie. Lu-ntribămu pi jurnalistul Ioan Bogdan Lefter ţi minduiaşti ti mesajlu a vâsil’ielui di ma ninti: ‘Işisi Majestatea a Lui şi consilierl’i mutrescu cu mari atenţie ţi s-faţi tu Românie şi, tu aestu momentu, tu Românie avemu unâ crizâ politicâ la cari s-agiumsi di itia a mintăturloru dit Constituţie. Or, vâsil’elu spuni : « Vă cafftu a tutuloru sâ-li daţ alivâsilie unâ Constituţie ». Pistipsescu câ easti un simnalu interesantu, cu unâ mari autoritati pi cari importanţa a vâsil’elui, aţeali ţi li feaţi tu în istoria a noastră canma nauâ, u da’. Autor : Roxana Vasile Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International