Radio Romania International

Arhiva :

Diplomaţie Dunăreană – 2011.11.09
(2011-11-09)
Atea dit soni aspuneari: 2011-11-14 18:31 EET Print
Duna, doilu arâu ca lundzimi dit Europa, avu şi ma largu va s-aibă un loc ahoryea tru istoria a continentului. Aţeali 2860 di kilomeatri a l’ei leagă 10 văsilii, dit Ghirmănia păn tru România, ama şi patru capitali di stat: Viena, Bratislava, Budapesta şi Belgrad. Rolu a l’ei di thimel’iu ti dezvoltarea politică, economică şi culturală a locurlor prit cari treaţi, caractirlu a l’ei di apunti di ligătură prit fisi anamisa di naţiun’i âlu feaţi pi amirălu francez Napoleon să-lu număsească “văsil’elu a arăurlor europene”. Ufilisindalui aesti hări, UE nchisi tru 2010, ună hălati modernă di lucru deadun cari s-acaţă tru isapi em stati riverani membri ali UE ama şi dit aţeali ţi suntu nafoara ali organizaţie. Aşi, fu adrată Stateghia a Dunal’ei la cari fură călisiti tra s-l’ia parti 14 di stati. Proiectul fu adrat pi thimel’ilu a gaereţlor ţi li feaţiră statili riverani şi easti tru partea di băgari tru practico după vulusearea a lui di cătră Consiliul European tru meslu cirişar anlu aestu. Strateghia easti ndreaptă tră autoritătli publiţi locali, reghionali şi ţentrali, suţiităţ ţivili, ONG - uri şi mediul di emburlăchi, a deapoa aţel’i ţi va s-aibă hăiri suntu cetăten’il’i ali reghiuni. România cari easti co-iniţiator ali aiştei strateghie, deadun cu Austria, chiverniseaşti trei dumenii di prota thesi dit aţeali 11: transporturi pi api interni-deadun cu Austria, deapoa cultură şi turismu, cu Vărgăria, chivernisearea a piricl’iurlor di fise-cu Ungaria. Ti ună ma bună cunuşteari a oportunităţlor dişcl’isi di Strateghia a Dunăl’ei tu un contextu european şi mondial ndilicat, România şi Austria ndreapsiră prota andamusi informală a miniştrilor di Externi dit statili riverani, ţănută Bucureşti, tu 7 di brumar, a deapoa s-ţănu şi un forum economic a zonăl’ei. Aţeali dauă andamusi scoasiră tru migdani, di altă parti, ananghea ti născănti cearei prit cari s-amintă păradz şi di nafoara ali Europă ti ndruparea a proiectilor dit arada ali Strateghie, avandalui tru videală scăderea a axiil’ei di pălteari ali Europă tu catastisea a spunearil’ei ţi u feaţi cantelarlu ghirman, Angela Merkel dimi criza economică easti un protes cari va s-ţănă tut decheniul. Mutrită ca “un schinirat ali Europă ţentrală şi la tut continentulu” cum u zugrăpsea ministurlu român di Externi, Teodor Baconschi, Duna va s-aducă, acă him tru criză năi şi năi lucri ti un yinitor ma bun. România, tru minduita a ministurlui a l’ei tră Afaceri Europene, Leonard Orban, easti ndreaptă tra s-ţănă cheptu, iara guvernul di Bucureşti ari, pi measa di lucru 60 di proiecti majori, di mari simasie tră Strateghia a Dunăl’ei. ”Băgarea tru lucru ahurhindalui cu anlu ţi yini a aiştor proiecte, spuni Orban, va s-agiungă un mari amintatic tră Strateghie şi tutunăoară va s-hibă aţea silă ţi easti ananghi tră aţea ţi va să s-facă tru yinitoarea perspectivă financiară". Autor: Valentin Tigău Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International