Radio Romania International

Arhiva :

Buget ti un greu chiro – 2011.11.03
(2011-11-03)
Atea dit soni aspuneari: 2011-11-09 16:48 EET Print
Cu niheamă chiro ninti tra ş-bitisească vizita di evaluari di dauă stămăn’i faptă Bucureşti, caplu ali delegaţie di la FMI tru România, Jeffrey Franks, feaţi timbihi că, tru contextul economic internaţional di tora, greu şi nisigura, easti ananghi că aestu lucru s-hibă mutrit cu ngătan ti anlu 2012. Minduita spusă la ună andamusi cu liderl’ii a suţatăl’ei di guvernari di Bucureşti, yini cu furn’ia a moeabeţlor ţi ţăn di bugetlu ti anlu yinitor, la a curi construcţie nica s-lucreadză. „România easti ma ghini ndreaptă andicra di aoa şi doi an’i tra s-ţănă cheptu a unăl’ei nauă catastisi di criză economică, căţe aprăftăsi tra s-adară jgl’ioati di simasie pi calea a reformilor structurali, lugursi Jeffrey Franks: „Un lucru bun ţi putem s-lu spunem ti aestu greu chiro easti că România intră tru aestă nauă dalgă di fărtună cama ndreaptă, aestă di itia că nchisim deadun ndauă iniţiativi multu importanti tra s-n’icşurăm deficitlu di contu curent, deficitlu fiscal şi tra s-adrăm reformi structurali. Acă chirolu easti multu greu, intraţ cu ună economie ma vărtoasă şi cama stabilă, ţi lipseaşti s-vă hibă thimel’iu.” Premierlu Emil Boc deadi asiguripseri că proiectul di buget ti anlu ţi yini va s-hibă un di halăgreauă, avândalui tu videală atea ţi s-faţi, tora tru Uniunea Europeană. S-cilăstăsi tră tin’isearea a graficlui apufusitu, cata cum şi ţănearea tru idyea scară ali stabilitati macroeconomică, cundil’e Emil Boc: „Him tru arada băgată tru plan ti anlu 2011. Agiumsim pi scupolu ti cari nă achicăsim tră un deficit bugetar di 4,4% şi di crişteari economică di 1,5%. Deadun aprăftăsim tra s-agiundzem pi aestă stabilitati macroeconomică şi vrem să u ţănem şi tră yinitor, maxus tu aestu chiro greu.” Tu ţi mutreaşti eventualili anvăleri tră tin’iili di cafi mes tru sectorlu bugetar ică indexări di pensii, autorităţli români fac isapea că aesti pot să s-facă maş tru daua parti a anlui ţi yini, cara economia va s-aibă resursili ţi suntu ananghi. Varianta easti mbărţitată di membril’i ali misiuni comună a creditorlor externi ali Românie, dimec FMI, Comisia Europeană şi Banca Mondială. Cara indicatorl’ii ali anvelopă macroeconomică suntu amintat, năuntrul a aiştor Guvernul ari libirtatea tra s-apufusească ti hărgili cari s-hibă tru amprotusa, spusiră reprezentanţăl’ii a organismilor financiari internaţionali. Aşi cum spun aeşţă, Bucureştiul amintă tu aestu an un di nai cama bunili imnatiţi dit Europa, iara nivelu di pistipseari andicra di România easti multu ma analtu andicra di cum eara aoa şi doi an’i, aţea ţi poati s-ducă la ună hăitrlătică ti cama bun tocurli tră mpărmuturli externi. Autor: Corina Cristea Armânipsearea: Taşcu Lala Puteţ tra s-ghivăsiţ nota pi www.rri.ro ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International