Radio Romania International

Arhiva :

Concluziile a FMI şi politica a BNR
(2009-02-05)
Atea dit soni aspuneari: 2009-02-05 12:51 EET Print
Fondul Monetar Internaţional faţi timbihi că România poati s-agiungă la ună scădeari a produslui internu brut tru 2009, iara ună redresari moderată ali economie poati să s-facă maş cătă tu ahurhita-a anlui 2010. Experţăl’i a FMI luyursescu că, acă problemili cu cari s-ampuliseaşti economia românească s-feaţiră di itia a evoluţiilor financiari internaţionali, dezechilibrili interni li fac ma mări zn’iili a crizăl’ei. Ixichili mări a ziyăl’ei di pălteari şi a bugetlui di stat criscură vulnerabilitatea ali economie la goadili externi, iara ayălisirea a reformilor structurali u ţănu productivitatea la valori n’iţ şi u n’icşură capaţitatea ali economie ta s-da apandisi tu momentili greali. FMI faţi timbihi că politica fiscal-bugetară dusi la făţearea ma greali dificultăţli economiţi ş-că, tu aestă oară, ună relaxari fiscală, ca turlie di n’icşurari, zn’iili a crizăl’ei, numata poati să s-facă, căţe hărgili nica suntu multu mări, iara posibilităţli a guvernului ti finanţari ună ixichi mari suntu limitati. Instituţia luyurseaşti că România easti tut ma agudită cu piricl’iul ali recesiuni globală. Ma ghini spus, tu chiro anda criştearea economică armasi tu scară analtă, tu protili trei trimestri dit 2008, indicatorl’ii mutrindalui producţia s-asparsiră ntrăoară tu meşl’i dit soni a anlui ţi tricu. Exporturli ahurhiră să scadă, disponibilitatea a finanţaril’ei ti firmi şi populaţie s-n’icşurară, iara consumlu internu şi investiţiili s-cădzură. Tutunăoară, producţia industrială scadi, iara pistusinea a consumatorlor şi a mediului di emburlăchi s-asparsi. FMI faţi urminii a guvernului di Bucureşti s-tin’isească ţinta di 2% deficit bugetar şi faţi timbihi că prognozili mutrindalui crişterea economică şi nivelu a pălterlor prividzuti di proiectul di buget suntu cabaia cu nădii. Fondul Monetar Internaţional antiţipeadză că economia ali Românie va să scadă tu aestu an di la 1% şi nu fasţi urminii ufilisearea a rezervăl’ei valutară ti anvălearea a ixichiljei di contu curentu. Ti Banca Naţionala ali Românie, urminia a Fondului easti s-n’icşureadză inflaţia la nivelu apufusit ca scupo (3,5%), ama şi să u ducă năinti monitorizarea a turliil’ei di chiverniseari a piricl’iului tu sistemlu bancar. Di altă parti, BNR apufusi, n’ercuri, s-n’icşureadză rata a toclui di politică monetară ti 10 tu sută tru an, di la 10,25 proţenti. Easti prota scădeari a toclui cl’aie tu aestu dit soni an şi giumitati faptă di Banca Centrala şi, tutunăoară, un semnu ti darea silă a mpărmutaril’ei, greu zn’iipsită di criza conomică şi financiară mondială. Analiştil’i român’i spun, ama, că apofasea va s-aibă un efectu n’ic ti darea mpărmuturli, di furn’ia a ixichil’ei di păradz lichidz cu cari s-ampuliseaşti păzarea financiară. (050209) Textul: Daniela Stefanescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International