Radio Romania International

Arhiva :

Ti 2012 un bugetu ndreptu cu ngătan – 2011.10.31
(2011-10-31)
Atea dit soni aspuneari: 2011-11-09 16:49 EET Print
Bugetlu ali Românie pi 2012 lipseaşti tra s-yilipsească borgea a Guvernului şi a Parlamentului, acă tru anlu ţi yini sunt alidzeri - declară prezidentul Traian Băsescu tru bitisita ali andamusi cu reprezentanţăl’ii a FMI, a Băncăl’ei Mondială şi ali Comisie Europenă. Traian Băsescu: „Avândalui tu videală prognozili di ayăliseari a criştearil’ei economică tru zona euro, România ari borgea tra s-pripună a Parlamentului un buget adrat cu ngătan, un buget cari, di ună parti, s-da apandisi a realităţlor economiţi, iara, di alantă parti, s-avem un buget cari să spună borgea a guvernului, a Parlamentului. ”Concluzia a moeabeţlor pi tema a bugetlui di stat pi anlu ţi yini easti 'ngătan, ngătan şi iara ngătan, tra s-nu li chirem geaba curbăn’ili ţi li feaţiră bănătorl’i tru an’il’i di ma năinti', nica spusi caplu a statlui. Traian Băsescu: „Cama ghini s-adrăm niscănti alăxeri hăirlătiţi tru giumitatea a anlui andicra di s-ahurhim anlu cu născănti prognozi cabaia cu nădii. Şi aoa am tru videală, em acăţarea tru isapi a criştearil’ei economică ti anlu ţi yini, ama acăţarea tru isapi a unlui deficit cari s-nu nă bagă tru catastisea tra s-mpărmutăm multu di multu.” Băsescu adăvgă că Bucureştiul tin’isi tuţ parametril’i apufusiţ ti trimestrul trei cu instituţiili financiari internaţionali tu ţi mutreasti execuţia bugetară, ama şi ti ndridzearea tra s-treacă la managementul privat tru companiili di stat şi ma s-hibă di s-fac şi niscănti privatizări. Caplu a misiunil’ei di la FMI tru România, Jeffrey Franks, spusi că inflaţia scădzu, tu aţea dit soni parti a anlui, ma multu di s-aştipta organismili internaţionali. Expertul a Fondului apruche ti bun angajamentul a autorităţlor di Bucureşti tu ligătură cu politiţli economiţi prudenti şi feaţi urminie tra s-duca ma largu reformili cu scupolu ti anvărtuşearea macroeconomică. Jeffrey Franks: „Triţem un chiro şi, ti aţea, România lipseaşti s-agiungă ună văsilie vărtoasă, tra s-armănă tru bană. Lipseaşti ma mult ca vărnăoară s-li ducă ninti reformili”. Di altă parti, reprezentantul ali Românie la FMI, Mihai Tănăsescu, spusi că reprezentanţăl’ii a Fondului şi a Guvernului român feaţiră isapi şi tră ună cabili mutrindalui indexarea a pensiilor şi criştearea a tin’iilor di cafi mes, tru condiţiili tru cari bugetlu pi 2012 lipseaşti s-acaţă tru isapi efectili a crizăl’ei şi ananghea di investiţii ti criştearea ali economie românească. El adăvgă că ari căbile că sucursalili a băntalor xeani dit România să scoată păradz dit văsilie, tra să-l’i pitreacă a bănţălor-mamă, tru condiţiili ali criză financiară internaţională di tora. Tănăsescu declară că ună ahtari catastisi poati s-hibă nai ma marea fuvirseari tră România. Autor: Daniela Stefanescu Armânipsearea: Taşcu Lala Puteţ tra s-ghivăsiţ nota pi www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International