Radio Romania International

Arhiva :

Ună nauă hăirlătică a filmului românescu
(2009-02-02)
Atea dit soni aspuneari: 2009-02-02 12:42 EET Print
‘4 meşi, 3 stămăn’i şi 2 dzăli’. Easti lungmetrajlu regizat di românlu Cristian Mungiu, cari spusi anami diznău, Madrid, iu fu aleptu ti naima bunlu filmu european, tu arada a 23-ţăljei gală a Premiilor Goya. Tutunăoară, coproducţia (Spania Franţa România) ‘Bucarest, la memoria pertida’, di Albert Sole, un filmu ti călătoria tră recuperarea a arădăţin’ilor işiş a unui jurnalistu – hiil’ilu a unlui politician spaniol – cari easti faptu tu România, amintă premiul Goya ti naima bunlu documentar. Lugursiti echivalentul spaniol a Oscarlui, premiili Goya s-da cafi an, dit 1987, di Academia Spaniola di Film. Ninti di amintarea a trofeului, regizorlu Cristian Mungiu alăvda nica ş-ca un lucru di arada ţi s-feaţi, va s-dzăcă nominalizarea a filmului: “Minduescu că easti ună nominalizari ma importantã ti cinematografia românã andicra di mini maş dit perspectiva cã tricură nica aproapea doi an’i pisti filmul aestu şi lucărli acaţă alti dimensiun’i. Toradioară, escu ma frimtat di aţeali ţi va s-yină ti mini tu chirolu di manclo. Suntu niscănti premii naţionali ti cari să ştie ma pţănu acasã, am umutea că va s-cunoască niheamă ma multu tora şi u lugursescu ca un lucru ti tin’seari ş-di simbatie ti un filmu cari fu multu ghini aprucheat tu spaţiul spaniol. Şi ti aestă, vin’iu pănă aoa.” Presa spaniolă lugursea că aestu trofeu, ţi s-da tu premieră ti un filmu românescu, fu surpriza la categoria ‘nai ma bunlu filmu european’, după ţi concură cu ma multi peliculi ‘greali’ europeani. Cotidianlu El Mundo’ spunea că revelaţia agiumsi rialitati prit Cristian Mungiu, pelicula hiindalui multu ghini aprucheată di spaniol’i. ‘4 meşi, 3 stâmân’i şi 2 dzâli’ amintă, tu 2007, trofeulu Palme d’Or, Cannes şi ună nominalizari la Globurli di Malămă, la categoria ‘Naima bun filmu xen’. Viniră deapoa ma multi trofee internaţionali ţi-l’i si deadiră la nâscânti festivaluri, premiul FIPRESCI (Federaţia Internaţională a Presăl’ei Cinematografiţi), cum şi premiul ali Asociaţie Naţională a Critiţlor di Filmu dit SUA ti naima bunlu filmu xen. Pelicula spuni ună dramă ligată di arcarea a n’iţlor paranom tu România tu chirolu a regimlui comunistu, unâ pirmituseari aşi cum spunea insuşi Mungiu, ti apofasi, borgi şi alidzeri tu bană, solidaritati şi suţată un-alantu. (020209) Textul: Mihai Pelin Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International