Radio Romania International

Arhiva :

România şi criza economică europeană – 2011.10.26
(2011-10-26)
Atea dit soni aspuneari: 2011-11-09 16:49 EET Print
Vini oara tra s-curmăm incertitudinea ligată di stabilitatea a zonăl’ei euro şi di mira a monedăl’ei unică, cundil’ia, marţă, prezidentul ali Comisie Europenă, Jose Manuel Durao Barroso. Ună minduită ţi u mbărţiteadză, practic, pi aţea ţi u spusi interlocutorlu a lui, caplu a statlui român, Traian Băsescu, insistentu tu căftarea a lui faptă cătră statili dit zona euro tra s-l’ia unăapofasi ntrăoară tru cazlu ali Gărţie. Amânarea aiştei va u crească nipistipsearea, ţi easti cabaia mari, cu cari investitorl’iii mutrescu, tut cu tut, cătră Europa şi tru particular cătră reghiunea dit cari faţi parti România. Ia ţi spusi Traian Băsescu: „Tin’isim gaeretea mari ţi u fac statili agiutătoari, ama avem ananghi di ună apofasi rapidă - nu maş România, şi alti stati - şi tru idyiul minduescu că avem ananghi ma multu ca vărnăoară di integrari economică cari s-nă ducă cătă thimil’iusearea a unăl’ei Europă unită”. Caplu a statlui român feaţi timbihi ti piricl’iurli la iţi minduită individualistă a crizăl’ei ti borgili dit dit zona euro şi a tendinţilor tentrifudzi cari pot s-iasă tru videală. Băsescu cundil’e di altă parti, aşi cum u feaţi tru chirolu di ma ninti, tră andruparea a unăl’ei Uniuni Europenă cari să s-alăxească tru Statili Uniti ali Europă. Liderlu român şi caplu a Executivlui european zburără şi ti găilipserli a Bucureştiului ligati di ună posibilă fudzeari di capital dit văsilia a noastră unăoară cu recapitalizarea a bănţălor europeani. Barroso lugurseaşti că instituţiili financiari lipseaşti s-asiguripsească ma largu agiutor ti sucursalili româneşti. Tru ţi mutreaşti amintarea a fondurlor europeani, el salută evoluţiili buni dit meşl’i dit soni ti ufilisearea di cătră Bucureşti a păradzlor comunitari. El ăl’i căftă a prezidentului Băsescu tra să s-mintească personal ti amintarea ntrăoară a fondurlor europeani, tru condiţiili tru cari România poati să s-hărsească di ma mulţă păradz. Jose Manuel Barroso: „Vidzui născănti evoluţii buni tru aeşţă şasi meşi dit soni şi aşteptu că prezidentul să s-mintească el işiş tru aestu proţes. România easti ună di văsiliili cari va s-hărsească di pripunirea ali Comisie di crişteari a pălterlor tru un program di ajustari prit criştearea a cofinanţărlor di la Uniunea Europeană cu 10%. Aestă pripuniri ali Comisie Europeană fu aprucheată di tuti statili membri şi lă haristusescu ti aestă. Tora aşteptu că aestă apofasi s-hibă bitisită cu agiutorlu a Parlamentului European.” Nivelu ufiţial di amintari a fondurlor europeani di cătră România easti di aproapea 15%. Autor: Ştefan Stoica Apridutearea: Taşcu Lala Puteţ tra s-ghivăsiţ nota pi site-ul a nostru www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International