| MEDIA TOP |
| (2007-05-09) |
| Atea dit soni aspuneari: 2007-05-09 13:41 EET |
Nica un scandal bâgă pi jari sțena politicâ romaneascâ, tut ma agitatâ aștiptânda referendumulu mutrinda demiterea a șeflui a statlui, Traian Băsescu, suspendat di Parlamentu cari luyurseaști că ari călcatâ Constituția. Noulu ministru ali justiție, Tudor Chiuariu, câftă a Consiliului Superior ali Magistraturâ (CSM) s-revocâ un adjunctu a sefului ali Direcție Naționalâ Anticorupție (DNA), ti cari dzâsi câ nu ș-lu feați lucurlu.
Procurorlu Doru Țulus avea sarțina di âdnoi meși s-lucreadzâ la dosari importanti, unu mutrinda un vice-premier di ma ninti a curi âli si bagâ stepsu di evaziuni fiscală, altili - parlamentari acuri lâbagâ stepsu di corupție. Șeflu DNA, Daniel Morar, s-mută ântroarâ ș-dzâsi câ ministul ș-measticâ fârâ dichi tu justiție. Cotidianul Romania Libera si întreabâ: Ahurheaști blocarea a dosarilor greali? și aduți aminti câ ministrul ali justiție câftă avizlu Consiliu Superior ali Maghistraturâ ti demiterea a procurorlui fârâ sâ spunâ itiili ti cari ari câftatâ revocarea a lui.
Șeflu a dosarilor greali sancționatu ti rezultati - titreazâ Cotidianul, cari pistipseaști câ ministrul ali justitie tricu di partea a rechiniloru ali corupție. Jurnalu aduți aminti numili a parlamentarlor a curi lâ bagâ stepsu di corupție, un di eli easti Dan Voiculescu, prezidentul PC, acuzator a prezidentului Traian Băsescu, cari ari dosar penal ti aspilari di paradz, altu easti Marko Bela, lider a UDMR, cari lo îndrepturi di autor ti cărțâ nica nipublicati.
Sum titlu Chiuariu s-agioacâ politicu na suspendarea cu procurori DNA, Curentul ângrâpseaști câ problema s- pari câ ahurhi cându liderli conservator fu bâgatu sum acuzari. Tu Evenimentul Zilei ghivâsimu câ Tudor Chiuariu ahurheaști ș-lu facâ lucurlu andicra di oligarhia cari lu bâgă ma mari pisti justiție. Tutu Evenimentul Zilei aduți aminti câ ma multu 35 di procurori dit DNA lu ândrupăscu procurorll Țuluș și au protestatâ contra ali praxi prescavâ și interesatâ tu cari ministrul ali justiției câftă revocarea a lui.
Scandalu nchisi tora cându Bucurestiul așteaptâ un raportu a Bruxelles-ului mutrinda progresili ânregistrati tu reforma ali justiție. Comisia Europeanâ feați timbihi a clasâlei politicâ romaneascâ câ easti multu importantu ca aestâ reformâ și alumta contra arușetilei s-nu hibâ ânchidicati, prit alâxeri, revocări icâ numiri.
Autor: Leyla Keamil
Armânipsearea: Irina Paris
|
2025-04-03
Print
Puteț s-avdzâț căndțido