Radio Romania International

Arhiva :

Investiţii şi criză – 2011.10.20
(2011-10-20)
Atea dit soni aspuneari: 2011-11-09 16:50 EET Print
Aoa şi un an, investitorl’ii xen’i pripunea a autorităţlor români apofasi cari s-aibă scupolu ti criştearea a lucurlui tru economie. Maş ună n’ică parti di aesti fură băgati tru practico; anamisa di eali, flexibilizari tru leghislaţia a lucurlui, prioritizarea investiţiilor publiţi majori, lărdzearea a născăntor programi guvernamentali şi făţearea licşurări di mpărmutari tră ntreprinderli n’iţ ş-di mesi. Nu easti duri, spun oamin’il’i di emburlăchi xen’i. El’i caftă orlea zorlea, făţearea ma hăirlătic a sistemlui fiscal, ti furn’ia că România easti sum media europeană tu ţi mutreaşti adunarea a taxilor şi a impozitilor. Investitorl’ii nica fac urminie tră turnarea a TVA di la 24 la 19%, n’icşurarea a cotăl’ei di asiguripseri suţiali şi nipăltearea a impozitlui pi amintaticlu băgat diznău tru lucru. Trezorierlu a Consiliului a Investitorlor Xen’i, Daniel Anghel exighiseaşti: „Căţe spunem că avem tru minti turnarea la cota di 19%? Di ma multi furn’ii. Prota ş-prota, adunarea a păradzlor la bugetlu di stat nu lipseaşti s-aibă la thimel’iu, tu amprotus, ună crişteari a taxilor. Tutunăoară, criştearea a cotăl’ei s-feaţi pisti noapti, mediul di emburlăchi numata fu ndreptu. Şi, nu dip tru soni, minduim că lucărlu ti adunarea a taxilor şi a impozitilor lipseaşti s-hibă faptu cama cu hăiri, aşi cum mindueaşti lugurseaşti Aghenţia Naţională di Administrari Fiscală, ma ayon’ia andicra di ună crişteari a taxilor şi a impozitilor, aţea ţi, tu un chiro greu, nu aduţi ici hăirlătică. Darea curayi tră consum easti, iara, un lucru di simasie ti aduţearea diznău a cotăl’ei la 19% şi mediul di afaceri lu-va aestu lucru, di furn’ia a aiştor itii”. Dit arada a urminiilor nica avem responsabilizarea a sistemlui judiciar, n’icşurarea a evaziunil’ei fiscali, liberalizarea a păzaril’ei la energhie şi aduţearea amintarea a fondurlor europeni. Ca totna, investitorl’i cutugursescu nivelu mari ali aruşfeti. Prezidentul a Consiliului a Investitorlor Xen’i, Steven van Groningen: „Cât di coruptu easti mediul di afaceri tru România? Easti multu corupt. Nu angreacă cara tu alti văsilii aruşfetea easti ma mari, lipseaşti să u curmăm didip. Şi, ti aestă, lipseaşti s-făţem gaereti niacumtinată şi s-avem ună achicăseari zero andicra di aestu fenomen”. Un raportu a Băncăl’ei Mondială spuni că România chiru şapti locuri tru ierarhia a statilor iu easti naima lişor tra s-adari emburlăchi. Ea agiumsi tora pi loclu 72 dit 183, dupu niscănti văsilii cata cum Belarus, Turchia ică Vărgăria. Ună furn’ie poati s-hibă reglementarea internă, cari u fac ma greauă dişcl’idearea a unăl’ei afaceri. Raportul yilipseaşti, ama, că autorităţli di Bucureşti feaţiră licşurări ti păltearea a taxilor tră companii prit băgarea tru lucru a unui formular unic ti contribuţiili suţiali şi lu şcurtară chirolu a proţedurlor di insolvenţă. Autor: Ştefan Stoica Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International