Radio Romania International

Arhiva :

Agiutoari europeani tră agricultorl’i român’i – 2011.10.18
(2011-10-18)
Atea dit soni aspuneari: 2011-11-09 16:50 EET Print
Comisarul european tră Agricultură şi Dezvoltari Ruralâ, românlu Dacian Ciolos eara vinit Bucureşti tru arada a protăl’ei hopă a unăl’ei voltă europeană ţi ari scupolu ti lansarea a pachetăl’ei legislative di reformă a Politicăl’ei Agricolă Comună (PAC) pripusă di Comisia Europeana ti chirolu 2014-2020. Proiectul di reformă mutreaşti criştearea ali producţie, a productivitatil’ei şi calitatea a produsilor agricole si ari cabaia avantaji, a deapoa păradzl’i va s-hibă ufilisiţ cama cu hăiri. Tră Romania, naua politica va s-nsimneadză păradz ma mulţă la bugetlu ali agricultură. Dacian Ciolos spusi că: Pălterli directi tră agricultori va s-crească tru yinitor, pânâ tru 2020, cu aproapea 3 miliardi di euro. Lipseaşti s-videm ahărdzearea tră programlu di dezvoltari rurală cari va s-hibă adoptat niheamă ma amanat, pânâ tru bitisita a anlui 2013. Pripusim ună isapi di finanţari tră agricultori cari s-aibă tru minti şi ciuflikili n’iţ, di mesi şi mări ş-cari s-agiută ti restructurarea a ciuflikilor n’iţ şi tră imnaticlu cu hăiri cătă economia di păzari”.Comisarlu european cundil’e, tru moeabeţli ţi li avu Bucureşti cu ufiţial’i di Bucureşti că România nu va s-cheară dupu plafonarea la 300 di n’il’I di euro a pălterlor directi tră ciufliki. Păradzl’i amintaţ va s-hibă ufilisiţ tră Programlu Naţional di Dezvoltare Rurală tră investiţii şi modernizări. El nica spusi că nivelu a subvenţiil’ei la ictar va s-poată s-agiungă la 200 de euro - nivelu maxim – nica dit 2018. Dacian Ciolos adăvgă nica şi aţea că:” Pripunem, prit programlu di dezvoltari rurală, un mănucl’iu lărguriu di priorităţ pi thimel’ilu a curi Romania va s-poată s-li yilipsească lucărli di prota thesi işiş şi să lu ndreagă programul de dezvoltare rurală, meatri cari s-da curayiu ti organizarea a producătorlor agricoli tru tuti sectoarili”. Ună di problemili cu cari s-ampuliseaşti România esti amintarea a fondurlor europene. Dacian Ciolos să spusi cu nădie tu aţea ţi mutreaşti ahurhearea diznău a lucurlui ti pălteri di partea ali Comisie Europenă, cundil’indalui că UE faţi isapi meatrili ţi li lo Bucureştiul tra s-tin’isească căftărli comunitari; anamisa di aesti angreacă, prota ş-prota, timil’iusearea a Ministerlui tră Afeceri Europeani, cumăndusit di un fostu comisar european, Leonard Orban. Autor: Valentin Tigău Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International