Radio Romania International

Arhiva :

Semnu bun ti aderarea la Schengen – 2011.10.14
(2011-10-14)
Atea dit soni aspuneari: 2011-10-18 19:24 EET Print
Semnu bun ti aderarea ali Românie şi Vărgărie la spaţiul di libiră urdinari Schengen. Parlamentul European adoptă ună rezoluţie non-legislativă cari căndăseaşti tuti statili membri s-voteadză apofasea tra să lu tindă aestu spaţiu ti apruchearea a aţilor dauă craturi, ma s-acăţăm tru isapi orlea zorlea proţedurli şi acquis-ul Schengen. Instituţia, cari lugurseaşti că nu pot s-hibă băgati criterii suplimentari a statilor membri ţi suntu tru proţes di aderari, cundil’e că Bucureştiul şi Sofia băgară tru lucru acutotalui acquis-lu Schengen, aţea ţi, simfun cu Tratatlu a lor di aderari şi a cadurlui juridic di tora ali UE, easti goala căftari ti aderari. "Dauli văsilii ş-li alăxiră dit thimel’iu sistemili di avigl’eari a sinurlor şi lu anvărtuşiră cadurlu instituţional şi legal", cundil’eadză rezoluţia. Legislativlu comunitar caftă tutunăoară, a statilor membri s-nu tragă mănă dinintea a minduerlor tu ligătură cu populismul naţional. Intrarea ali Românie şi Vărgărie tru Schengen, cari lipsea să s-facă tru meslu marţu, fu băgată sum semnul a întribaril’ei dupu nipistipserli, dimec mindearea pi dauă spusă di Franţa şi Ghirmănia. Aesti cutugursiră, atumţea, căţe nu suntu duri progresili tru alumta contra ali aruşfeti şi a crimăl’ei organizată. Tru yismăciun, aderarea a aţilor dauă văsilii la Schengen fu ambudyiusită, diznău. Prezidenţil’ia poloneză ali UE numata băgă ti votari apofasea a Consiliului tră Justiţie şi Afaceri Interni, di furn’ia ali opoziţie susto ali Olandă şi Finlandă. Aesti dauă văsilii deadiră giueapi, spunăndalui că Bucureştiul şi Sofia lipseaşti s-cilăstăsească cama multu ti alumta contra ali aruşfeti şi a crimăl’ei organizată. "Ali Vărgărie şi Românie lă si cadi tra s-facă parti dit zona Schengen. Călisim tuti statili membri ta s-l’ia apofasea mutrindalui lărdzearea a zonăl’ei cătră România şi Vărgăria exclusiv pi thimel’lu a acquis-ului şi a proţedurlor Schengen. Vărgăria şi România lipseaşti tra să s-ndrupască pi solidaritatea şi corectitudinea a partenerlor a lor UE", spusi prezidentul a Parlamentului European, Jerzy Buzek. Autorităţli di Bucureşti şi spusiră nădia că Romania va s-hibă acătată tru isapi tru spaţiul di libiră urdinari căt cama ntrăoară. Ministerlu a Afacerlor Europeani ş-pripuni aderarea la Schengen pânâ tru bitisita a anlui 2012, ama gaereţli diplomatiţi nu suntu duri, tru condiţiili a unăl’ei opoziţii sertă di partea ali Olandă, declară ministurlu di resortu, Leonard Orban. Al’iumtrea, el lugursi că dialoglu cu Finlanda faţi jgl’ioati ninti, iara ateali dauă părţă cilăstăsescu ta s-află deadun ună cearei. Autor: Leyla Cheamil Armânipsearea: Taşcu Lala Puteţ tra s-ghivăsiţ nota pi www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International