Radio Romania International

Arhiva :

Catastisea ali economie – 2011.10.12
(2011-10-12)
Atea dit soni aspuneari: 2011-10-14 18:50 EET Print
România agiumsi cu isapea, tu meslu yismăciuni cu naima scădzută rată ali inflaţie tru aeşţă 21 di an’i dit soni. Institutul Naţional di Statistică dimăndă că inflaţia anuală dipusi la 3,45% şi intră tru cumata băgată tru minti di Banca Naţională ti aestu an, după ţi păhadzl’i di consum scădzură, tru yismăciuni, ti paturlu mes arada, tu chirolu a ieftinearil’ei alimentili. Scăderea a ratăl’ei ali inflaţie s-faţi, tru mari parti, căte s-iftiniră yimişili şi zărzăvătli. Analistul economic Laurian Lungu easti pi mintea că tendinţa di n’icşurari va s-cheară tru meşl’i ţi yin: „Suntu meşi tru cari va s-videm ună crişteari a păhadzlor la energhie, păhălu la gazi naturali va s-crească, yini şi iarna, va s-curmă născănti subvenţii tu aestu an şi chărgili cu casa ari căbili s-crească tru născănti locuri. Va s-cheară aestu efectu sezonier cari u dusi multu nghios inflaţia, dimec pătătli şi yimişili, ahtari turlie că vahi va s-avem ună crişteari tru meşl’i ţi yin. Întribarea aesti căt multu”. Scăderea ali inflaţie fu antiţipată tru meşl’i dit soni, maxus după chirearea a efectului di scuncheari la cari s-agiumsi di furn’ia criştearil’ei TVA cu 5% la 1 di alunar 2010. Tendinţa fu dimăndată nica di stămăna ţi tricu di guvernatorlu a BNR, Mugur Isărescu, cari declară că n’icşurarea a ratăl’ei ali inflaţie, cari poati s-ducă la scădearea a tocurlor bancari, easti anulată di aştiptărli inflaţionisti mări. Banca Centrală ari tru naeti ti aestan ună inflaţie de 2-4%, ama ari ună prognoză niheamă di niheamă ma mari, di 4,6%. Economistul şef a BNR, Valentin Lazea, spunea, tora ayon’ia, că România ari nădia istorică ta s-n’icşureadză inflaţia la niveluri di sum 3% tru yinitorl’i an’i, sţenariu posibil cara politica monetară a băncăl’ei tentrală va s-hibă andrupată di politiţli fiscali şi ateali cu tin’iili di cafi mes. Viţguvernatorlu a BNR, Cristian Popa, declară că rata ali inflaţie năpoi va s-intră tru naetea apufusită pănă tru inşita a aistui an şi va s-armănă tru idyea scară şi anlu ţi yini apropea di scupolu pripus. Aestu lucru ţăni, tru ma marea misură, di evoluţia a cursului di alăxeari leu-euro şi a păhadzlor administrati, cata cum ateali la curentu, gazi i căldură, cari reprezintă aproapea un cirec dit trastul a produsilor şi a serviţiilor di thimel’iu. Di altă parti, ministurlu a Finanţilor, Gheorghe Ialomiţianu, dimăndă că România ari ună catastisi economică bună, atea ţi poati să u afirească di ună nauă recesiuni, ama ţani multu di multu di atea ţi va să s-facă cu economia ali Gărţie, Italie, Spanie, Portugalie şi Irlandă, ţi au zn’ie di furn’ia criza a borgilor guvernamentali. Di altă parti, di furn’ia a catastisil’ei economiţi la nivel global şi maxus dit Europa, prognoza di crişteari ali Românie, di 3,5-4%, apufusită cu FMI, va s-hibă alăxită- nica dimăndă ministurludi Finanţi. Autor: Daniela Stefănescu Armânipsearea: Taşcu Lala Puteţ s-ghivăsiţ nota pi www.rri.ro ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International