Radio Romania International

Arhiva :

Adunarea Parlamentară a NATO, la Bucureşti – 2011. 10.10
(2011-10-10)
Atea dit soni aspuneari: 2011-10-12 18:48 EET Print
A 57-a sesiuni a Adunaril’ei Parlamentari NATO adună Bucureşti, 400 di parlamentari dit aţeali 28 di stati membri a Alianţăl’ei şi delegaţ dit statili asociati, parteneri reghionale, asociati mediteraneeani şi observatoari. Chiro di 4 dzăli, participanţăl’I zburără ti misiun’ile NATO dit Afganistan, evenimentili dit Africa di Nordu, năili turlii di fuvirseari tră securitati, nica şi aţea di turlie cibernetică. Un subiectu ndilicat fu sistemlu antirachetă american dit Europa, la cari l’ia parti şi România. Gaeretea diplomatică a american’ilor, a responsabililor NATO şi a statilor mintiti ndreptu tru aestu sistem – România, Polonia, Spania, Turchia – ta s-căndăsească căţe scutlu antirachetă easti maş defensiv nu isihăsi Rusia cari căftă diznău asiguripseri di securitati. Prezidentul Traian Băsescu vru tra s-cundil’eadză tru zborlu ţi lu ţănu tru plenlu ali Adunari Parlamantară NATO:” 'Hălăţli a sistemlui american cari va s-hibă băgati tru locurli ali Românii va s-reprezintă ună contribuţie valoroasă ti dezvoltarea a axiil’ei NATO tra ş-veagl’e bănătorl’i şi teritoriili a statilor membre dinintea a piricl’iului di atacuri cu racheti. Fac ună cundil’eari tra s-hibă limbid tră tută lumea: rachetili cari vă s-hibă bagati pi teritoriul ali Românie suntu rachetui defensivi. Speculaţiili şi vrearea a născăntor tră să u spună di primansus şi s-bagă sum semnul a ntribaril’ei buna-pistipseari ali Românie nu fac altuţiva că maş tra să spună ixichea a volil’ei di cooperari. România bagă tru lucru un sistem defensiv. Dimec, România, acă easti ună văsilie di mesi, nu căftă vărnăoară ică nu lo asiguripseri antirachetă di la vărnu şi ari borgea tra s-li asiguripsească ea işiş prit parteneriati cu aliaţl’ii'. Caplu a statlui român nica spusi că Bucureştiul ndrupaşti dizvărtearea a unui dialog dişcl’is şi tin’isitu pi aestu subiectu la nivelu a Consiliului NATO-Rusia. Tu ţi mutreaşti Afganistanlu, Traian Băsescu spusi că România lugurseaşti, că şi alanţă aliaţ dit NATO, că protlu scupo easti darea acutotalui a borgilor di securitati cătră autorităţli di Kabul. Bucureştiul armâni ma largu angajat tru proţeslu di stabilizari şi construcţie instituţională dit Afganistan, iara ună eventuală reconfigurari a contribuţiil’ei a l’ei tu plan militar va s-hibă loată andicra di evoluţiili a catastisil’ei dit teren şi tru lucru deadun cu aliaţl’i. Prezidentul Băsescu zbură şi tră catastisea dit Libia. El feaţi timbihi că acă NATO avu tru aestă văsilie un succţes importantu, lipseaşti tra s-aibă tru mengă maxus piricl’iul reprezentat di intrarea pi napandica a elementior extremisti şi teroristi. Di altă parti, prezidentul dimăndă că Bucurestiul va s-armănă ma largu cu partiţiparea prit aschirladz tru arada a misiunil’ei NATO di Kosovo, acă apofasea ali Românie mutrindalui Kosovo armâni nialăxită, tru noima că nu s-pricunoască independenţa declarată di partea kosovară până cându nu s-agiundzi la ună achicăseari anamisa di Belgrad şi Priştina. Autor: Andreea Bojoi Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International