Radio Romania International

Arhiva :

Justiţia română şi năulu Cod Civil – 2011. 09. 29
(2011-09-29)
Atea dit soni aspuneari: 2011-09-29 12:41 EET Print
Tru România, anlu judiciar 2011-2012 s-dişcl’idi pi 1 di sumedru cu ună hălati cama hăirlătică ş-ţi da di mănă, dimec easti zborlu ti năulu Cod Civil. Ninti di băgarea a lui tru practico s-feaţi ună moeabeti tu ligătură cu aţea ţi poati s-aducă tru mediul di emburlăchi. Călisitu la moeabeti, ambasadorlu ali Mari Britanii, Bucureşti, Martin Harris, spusi că năulu Cod Civil easti bun tră investitorl’ii xen’i, maxus tru contextul a sistemlui di justiţie di tora, ţi easti incertu nica şi imprevizibil. Ministurlu ali justiţie, Cătălin Predoiu, cundil’e că sistemlu judiciar easti crehtu. Tu minduita a lui, justiţia ari zn’ii, ma largu, di furjn’ia ali aruşfeti, ali ixiche di omogenitati tru ţi mutreaşti pregătirea profesională, ama şi a hălăţlor ţi nu suntu duri tru arada a instanţilor şi a parchetilor. Cătălin Predoiu lugurseaşti că prota provocari ţi şeadi dinintea a sistemlui easti andruparea di tuti părţăli a programlui di modernizari ali justiţie. Ună spuneari apridunată tu ligătură cu disuiduserli ţi nica suntu anamisa di Minister şi Consiliul Superior ali Magistratură ligati di turlia tră cum lipseaşti s-aibă imnaticlu reforma ali justiţie. Cu ună cutugurseari ti lucurlu faptu di magistraţ vini tru arada a lui şi premierlu Emil Boc. Giudicătorl’i s-hărsescu di independenţă tru ligătura cu politiclu, ama aestă nu nsimneadză că el’i pot s-apufusească independentu tru ligătură cu nomlu, mindueaşti Emil Boc: Independenţa a giudicătorlui nu easti anaparti di nom. Giudicătorlu nu easti şi nu poati s-hibă independentu andicra di nom. Ti amărtie, născănti cazuri di aestă turlie işiră tru videală tru sistemlu românescu cându nomlu agiumsi facultativ tră giudicător”. Năulu Cod Civil yini cu alăxeri şi tu aţea ţi mutreaşti bana privată a cetăţean’ilor. Paradigmă, nicuchirl’i lipseaşti s-agiută cu hărgili a casil’ei proporţional cu putearea a cafi unlui, ma s-nu aibă pruvidzut tru achicăsearea ţivilă - un contractu simnat ninti di ncurunari. Trădzearea măna di la aesti borgi easti ună furn’ie di alăsari şi deapoa s-caftă păltearea a zn’iilor. Di altă parti, isusearea agiundzi s-hibă instituţie pricunuscută di stat, iara ma s-agiungă la arupearea a l’ei fără s-aibă un thimel’iu ari căbili tra s-bagă sancţiun’i cu păltearea di păradz. Tru aţea ţi mutreaşti catastisea a n’iţlor anda easti zborlu ti alăsari, pruvidearea easti că, după aesta, a părinţălor s-lă si da prit nom borgea tra s-hibă mutriţ n’iţl’i. El’i pot s-apufusească deadun tu ţi mutreasti praxea şi activităţli extraşcolari. Năulu Cod Civil nica pruveadi că părintili ţi fudzi di ncasă fără ună furn’ie ntimil’eată s-cheară mutrearea a ficiuriţlor. Năutăţ ari şi tu ligătură cu alăsarea a ncurunaţlor ţi poati să s-facă ntrăoară pi cali administrativă, cu căftarea ca nicuchirl’i s-nu aibă cilimean’i, cata cum şi amintareaa naţlor prit inseminarea in vitro. Autor: Ştefan Stoica Armânipsearea: Taşcu Lala Puteţ ta s-ghivăsiţ nota pi site-ul a nostru www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International