Radio Romania International

Arhiva :

Un nom cari amânâ – 2011.09.27
(2011-09-27)
Atea dit soni aspuneari: 2011-09-28 13:48 EET Print
Lucru di prota thesi a năului ministru a Lucurlui tru Guvernul român, Sulfina Barbu, nomlu tră asistenţa suţială nu amintă, luni, votlu a senatorlor, dit ixichi di cvorum. Amânarea a votlui la Senat u găilipseaşti Sulfina Barbu, ti furn’ia că nomlu tră asistenţa suţială ari ca vade di bitisită, ti aprucheari/ vuluseari tru inşita a aiştui mes, aşi cum ş-loară borgi autorităţli di Bucureşti prit achicăsearea cu FMI, Uniunea Europeană şi Banca Mondială. Iara după Senat, proiectul nica ari ananghi ş-di votlu dit Camera a Deputaţlor, cari easti forlu ti apufuseari. Ministurlu a Lucurlui spuni că nomlu tră asistenţa suţială tin’iseaşti tuti căftărli tra s-treacă di Senat şi faţi timbihi tu ligătură cu piricl’iurli ţi ies tu migdani ma s-hibă di s-amănă cu adoptarea a lui. Sulfina Barbu: „Mesajlu a meu easti aţel că lipseaşti s-băgă tru practico scupadzl’i şi s-nă tin’isim zborlu ţi lu-deadim dinintea a instituţiilor internaţionali; amănarea ti vulusearea a nomlui tră asistenţa suţială nu easti ună nchisită ţi s-faţi contra a guvernului, dimec u lugursescu ca ună nchisită contra a cetăţen’ilor ali Românie, ti furn’ia că noi ştim că, maca avem aestă achicăseari cu FMI şi alanti instituţii financiari internaţionali, atumţea avem izini la împărmuturi cu tocuri ma n’iţ şi easti di mari simasie aestu lucru”. Nomlu adrat şi nchisit di executiv ş-pripuni reforma tru sistemlu di asistenţă suţială tra s-n’icşureadză hărgili tru dumeni. El ari tru plan să scoată tu videală ună isapi limbidă a aţilor ţi s-hărsescu di asistenţă suţială, prota ş-prota prit legislaţie şi deapoa prit timil’iusearea a unui sistem informatic integrat tră tuti instituţiili ţi lucreadză ti problemili suţiali. Tru minduita ali opoziţie, pruviderli a nomlui alăxescu acutotatlui conţeptul di asistenţă suţială. Suţial-democraţl’ii, maxus, suntu găilipsiţ că român’il’i ţi s-ndrupăscu, tu aestu chiro pi agiutoarili suţiali ţi lă si da di la crat şi cu aestă furn’ie va s-tragă multu di multu. Di altă parti, ama, anchetili adrati tora ayon’ia scoasiră tu migdani că ună parti di aţel’i ţi s-hărsescu di len turlii di asistenţă suţială amintară, tu niscănti cazuri prit nitin’isearea a nomlui, tu alti prit alathusi, agiutoari ti cari nu eara acăţaţ tru isapi. Cu gailelu şi zorea a crizăl’ei şi di ananghea tra s-n’icşureadză ixichea bugetară, autorităţli români li criscură controalili şi vor, tutunăoară, s-limpidzască, dit videala leghislativă, dumenea ali asistenţă suţială. Ma s-aprăftăsească s-căndăsească cu poiectul di nom tru Senat, Putearea va s-aibă ună misiuni ma lişoară tu Camera a Deputaţlor, iu ari ună majoritati ţi ăl’i easti duri tra s-amintă. Textul: Ştefan Stoica Apriduţearea: Taşcu Lala Puteţ ta s-ghivăsiţ nota pi site-ul a nostru www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International