Radio Romania International

Arhiva :

România şi problema palestiniană – 2011.09.22
(2011-09-22)
Atea dit soni aspuneari: 2011-09-27 12:31 EET Print
Catastisea dit Orientul di Mesi şi dit Libia, locuri crehti pi harta a lumil’ei suntu, ma largu, tru menga ali comunitati internaţională. Intervenţia militară di Libia contra a regimlui a colonelui Muammar Gaddafi nchisită tru bitisita a meslui marţu easti largu ta să s-bitisească. NATO apufusi ta s-lundzească vadelu, dimec armănearea tru statlu-nord african cu 90 di dzăli, cu căbilea că aestu mandat să s-bitisească ma ayon’ia, cara aestă catastisi va s-da izini. Tru contextu, România easti ndreaptă ta ş-dişcl’idă reprezentanţa diplomatică di Tripoli, ama şi ta s-l’ia parti la reconstrucţia democratică a cratlui nord-african, dimăndă, New York, ministurlu român ti lucri xeani, Teodor Baconschi, tu arada ali Adunari Generală a ONU. Teodor Baconschi: Specialiştil’i român’i cari lucra aclo ică ti naftă, ică tu spitali, lipseaşti ta s-toarnă ta s-agiută ti reconstrucţia a văsiliil’ei, deapoa putem ta s-dăm dit şterli a noasti tu ligătură cu lucărli democratiţi – tu arădărichea di alidzeri libiri, di ngrăpseari a unăl’ei nauă Constituţii - şi, tutunăoară, di construcţie instituţională. Treilu lucru, am umuti că tuti companiili româneşti cari fudziră ică armasiră aclo, ama nu putură s-lucreadză la maximum di capaţitati di furn’ia a polimlui, să u anvărtuşeadza prezenţa pi păzarea libiană. La naua sesiune ali Adunari Generală a ONU dişcl’isă n’iercuri, fu băgată tru mengă maxus problema palestiniană. Autoritatea Palestiniană va ta să-l’i si pricunoască un crat cu numa Palestina, năuntrul a sinurlor ţi suntu ninti di polimlu di şasi dzăli israeliano-arab dit 1967. Caplu ali diplomaţie di Bucureşti spusi că România andrupaşti existenţa a unui stat palestinian, ama s-hibă cu niscănti căftări, condiţii. Teodor Baconschi: Minduita a noastră nu s-alăxi. Vrem un stat palestinian pi ningă cratlu Israel, tu un bănatic ti cari s-aibă căbili, hăirlătic, cari nu poati s-iasă tu videală că maş dupu niscănti păzărăpseri tu arada a proţeslui di irini, dimec ideea ti declararea unilaterală a unui stat palestinian ti cari nu minduim niţi noi niţi alţă european’i că poati să s-bagă tu practico şi că easti vinită oara. Teodor Baconschi năpoi adusi aminti că România avu totna ligături nicurmati cu Israelu nica di la thimil’iusearea a aiştui, ama u pricunuscu şi Autoritatea Palestiniană, ţi ari reprezentari diplomatică Bucureşti. Di altă parti, ambasadorlu a Israelui tu Romania, Dan Ben-Eliezer lugursea, n’ercuri, că declaraţia unilaterală di independenţă a palestinien’ilor easti ayon’ia să s-facă şi s-ncuntreadză la achicăserli internaţionali. El nica spusi că văsilia a lui nu s-ncuntreadză ti un crat palestinian, ama nu tu aesti condiţii unilaterali. Textul: Leyla Cheamil Armânipsearea: Taşcu Lala Puteţ tra s-ghivăsiţ nota pi site-ul a nostru www.rri.ri şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International