Radio Romania International

Arhiva :

Achicăsea româno – americană – 2011.09.19
(2011-09-19)
Atea dit soni aspuneari: 2011-09-20 14:04 EET Print
Dupu ţinţi an’i ş-cama di moeabeţ cu scupolu ti ancupărari avioani multirol şi cama di doi an’i di dzăli di păzărăpseri anamisa di autorităţli români şi guvernul american, ideea ti ancupărarea a născăntor aparati di azboiur F-16 yini diznău tu n’edzlu a mengăl’ei, Bucureşti. Turnat tora ayon’ia dit SUA, iu avu moabeţ pi aestă temă, prezidentul Traian Băsescu declară la un postu particular di televiziuni că nu ari niţi ună zori băgată di partea americană ti ancupărarea di avioani F-16, maxus că România nu ari păradzl’i anănghisiţ.Traian Băsescu: „Nu putem s-acăţăm lucurlu ti un ahtari contractu, ma s-nu aflăm ună cearei di finanţari pi lungu chiro. Partea americană nu bagă zori ta s-ncupărăm avioane F-16 orlea zorlea. Noi avem, ama ună borgi ţi u lom, cându agiumsim stat membru tru NATO, ta s-avem un numir di avioani dimec, 48, ti ahăti zburăm, compatibili cu echipamentili NATO.” Caplu a statlui român nica spusi că Washingtonlu pripusi un proiectu regional, tu cari ma multi stati membri NATO, ntră cari Vărgăria, Croaţia, vahi şi Ungaria, pot ta s-hibă adunati tu ună parei cari s-andrupască dotarea a statilor membri dit zona ali Apirită a NATO cu avioani F-16. Consiliul Superior ali Vasilie (CSAT) di Bucureşti băgă semnu tu marţu 2010, ti ancupărari 24 di avioani F-16 ţi suntu tu lucru, ş-ţi custusescu 1,3 miliardi dolari SUA, cari lipsea ta s-agiungă tu România tu 2013. Achicăsearea cădzu, ama, dupu ţi premierlu Emil Boc dimăndă că Executivlu nu ari păradz ti un ahtari proiectu. Di altă parti, lucărli di prota thesi a Parteneriatlui Strategic ti secolu XXI cu SUA va s-hibă tu menga a ufiţialităţlor români. Dit arada a aiştor s-arădăpsescu şi instalarea a născăntor elementi a scutlui american antirachetă tu România. Achicăsearea fu simnată tu arada a vizităl’ei ţi u feaţi prezidentul Băsescu, stămâna ţi tricu, Washington. Secretarlu di stat Bogdan Aurescu declară că aestă yilipseaşti multu ghini sinferlu a partil’ei români şi easti protlu actu juridic bilateral, cari faţi spuneari ti parteneriatlu strategic româno-american. Bogdan Aurescu: „Tru iţi stat, atumţea cându gradlu di securitati naţională creaşti, ari un efectu indirectu şi ţu ţi mutreaşti caractirlu ma dişcl’is, tu ligătură cu oportunităţli ma mări ţi li ari aţel crat, suţiitatea a aţilui stat şi economia a aţilui stat, ti investiţii xeani. Investitorl’ii, em aţel’i american’i ama şi alţă investitori xen’i, va s-aibă sinfer ma multu ta s-bagă păradz tu lucru tu un stat cari easti tu ună ahtari turlie di avigl’ieari criscută a securitatil’ei naţionali.” Rachetili interceptoari a scutului va s-hibă băgati tu practico tu ună bază aeriană dit sudlu ali Românie şi suntu proiectati s-aspargă rachetili a inamiţlor prit impactu cinetic. Textul: Mihai Pelin Armânipsearea: Taşcu Lala Puteţ s-givăsiţ nota pe www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International