|
|
| Iniţiativă europeană antiaruşfeti 16.09.2011 |
| (2011-09-16) |
| Atea dit soni aspuneari: 2011-09-20 14:05 EET |
Adunat tu andamusi plenară Strasbourg, Parlamentul European apruche ună rezoluţie contra ali aruşfeti, cari caftă ună defineari a fenomenului, valabilă în tuti statili membri ali Uniuni, cum şi apufăsearea născăntor normi minimi mutrinda pidepsili aplicabili. Rezoluţia, prit iniţiatorii a curi easti şi europarlamentarul român Monica Macovei, caftă a statilor membri un angajament politicu limbid, ti băgarea tu practichii a aiuştor normi. Simnatarii a documentului căftară, tutnăoară, ali Comisie Europeană s-asiguripsească aţea că tu cafi un stat membru ari borgea politica di ananghi ti alumta contra ali arusfeti ta s-bagă tu practichii pacheta antiarusfeti aprucheat tu meslu cirisear di CE. Tut aşi ari interes şi ma mari di transparenţă a tranzacţiilor financiari. Rezoluţia faţi timbihi ti cheardirli provocati di aruşfeti agiundzi la 120 miliardi di euro, sumă dit bugetul anual ali Uniunii. Monica Macovei: << „Ari ună constatari că ari volea politică tu statili-membri ta s-alumtă contra ali aruşfeti ş-că tu ma multi stati-membri, nu ari idyea voli politică majoritară,aclo iu aruşfetea easti mari”. Şi comisarul european ti afaceri interni,>> Cecilia Malmström, scoasi tu migdani volea politică ta sa spună toleranţă zero andicra di aruşfeti. Tu arada a lui, europarlamentara văryară Maria Nedelceva feaţi timbihi că tu tuti statili a UE ari aruşfeti, nu maş tu România şi Văryăria: <<„Semnificaţia aiştei gaireti easti aţea să spunem a partenerilor a noştri europeni că fenomenul ali aruşfeti nu easti caracteristic maş ti România şi Văryăria, cari sunt sub mecanismul di verificari şi monitorizari. Aeasta easti ună problemă europeană”.>> Tu Romania, văsilii cari intră tu UE tu yinar 2007, ministerlu ali Justiţie tipusi proiectul ali Strateghie Naţională Antiaruşfeti 2011-2014. Director-coordonator di programi la Chentrul di Resursi Juridiţi, Radu Nicolae, exighiseaşti:<< „Easti multu importantă aeastă Strategie Naţională Antiaruşfeti şi România zburaşti aestă cu UE. Ti prota tesi ti România sunt trecuti tu Strategia Naţională Antiarusfeti, cari ari ună viziuni simplă si legislaţia ţi u aprucheară tu 10-11 ani, em tu partea di niagiundzeari la aruşfeti cum si di alumta contra ali aruşfeti”>>. Dupu statistiţili oficiale, patru di ţinţi cetăţeni a UE luyursescu aruşfetea ună problemă greauă şi 88% di ei luyursescu că Uniunea lipseaşti s-adară mult ti alumta contra ali aruşfeti.
Autor: Daniela Ştefănescu
Armânipseari: Aurica Piha
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido