Radio Romania International

Arhiva :

Evoluţia a pâhadzlor
(2011-09-13)
Atea dit soni aspuneari: 2011-09-20 14:04 EET Print
Institutul Naţional di Statistică dzâsi că pâhadzl’i scâdzurâ, iara augustu fu treilu mes cându s-vidzurâ ieftiniri fapti di arada. Costurili a consumatorlui român scâdzurâ, ama dar diferenţa andicra di meşli di ma ninti easti n’icâ. Unâ notâ simnatâ di Daniela Ştefănescu. Tu România, pâhadzl’i di consum scâdzurâ tu augustu, ti treilu mes di arada, câţe s-ieftinirâ alimentili – dzâsi Institutlu Naţional di Statisticâ. Rata di cathi an a inflaţil’ei scâdzu la 4,25%, aproapea di intervalul vrut di Banca Naţionalâ a Românil’ei – 3%, plus/minus un punctu proţentual. Consilierlu a guvernatorlui BNR, Adrian Vasilescu, dzâsi: „ Lipseaşti s-dzâţem că România intră tu deflaţie, ama nu easti aşi. Rata pi 12 meşi ari unâ scâdeari importantâ, ama armâni la 4,25%. Puncti dit tabloulu alimentar ţi nâ feaţirâ griutăţ meşi cu arada, suntu tora curati, nigativi. Singura crişteari di simasie a pâhadzlor meslu aestu, easti la oauâ. La prâmâtiili nialimentari avem scâderi importanti: la medicamenti, la naftâ, la tâtumi şi la ţiyări. Tuti aesti scăderi ângreacâ multu tu tabloulu di consum. Avem, tutnâoarâ, dauâ crişteri mări: crişteri multu mări la CFR şi unâ crişteari la apâ, canal şi salubritati. Nu putem s-schicâsim câţe s-feaţi aestâ crişteari”. Ţi acra, că tu aeşţâ trei meşi dit soni, pâhadzl’i di consum scad andicra di andreu 2010, ei furâ ma mări cu aproapea 2 proţenti. Scâdearea a pâhadzlor, tu sectorlu alimentar, s-feaţi, minduiaşti analistul economic Sorin Pâslaru, ca rezultat a tendinţilor fapti diunâoarâ di scâderi a câftaril’ei şi di crişteari a ofertâl’ei. El spuni că va s-facâ alâxeri ţi pot s-veadâ unâ oarâ cu scutearea ali unâ parti a pâradzlor ti ângâldzari. Sorin Pâslaru luyurseaşti că, ţi cara că pâhadzl’i pot sâ scadâ ma ninti, economia a Românil’ei nu va s-aibâ unâ crişteari multu mari: „Ahurhescu s-veadâ seamni di antrebari tu ţi mutreaşti evoluţia a economil’ei româneascâ anlu ţi yini, creaşti incertitudinea. Lucurlu ţi lipseaşti s-hibâ spus easti că tu trei an’i di crizâ, România, ti amârtie, nu şi-află un nău model di crişteari economicâ, s-nu mata ţânâ di exterior. S-poati s-avem crişteari economicâ, ama multu ma n’icâ di aţea di 4% luyursitâ di Guvernul a Românil’ei”. Di puţân chiro, economistul şef a Bancâl’ei Chentralâ, Valentin Lazea, spusi că România ari unâ şansâ istoricâ ta sâ scadâ inflaţia sum 3% tu an’il’i ţi yin. Dupâ spusa a lui, aestu lucru easti posibil cara politica monetarâ a BNR va s-hibâ andrupâtâ "cu puteari" di politiţli fiscali şi salariali. Lazea dzâsi că unâ mari parti dit inflaţii ari cauzi structurali şi nu va s-poatâ s-hibâ scos ayon’ia. Valentin Lazea: „Prota easti tin’isearea a echilibrilor macroeconomiţi, dip şi tu contextul a unui an electoral, cu furnia că ţifrili pruvidzuti tu strateghia fiscal-bugetarâ s-hibâ adrati. Easti limbis că, cara va s-facâ ţiva arău tu Europa ică SUA, aestu lucru va nâ aducâ zn’ie şi a nauâ, ama avem nâdia că nu va s-agiungâ pânâ aclo”. Autor: Daniela Ştefănescu Apriduţearae: Mirela Biolan Puteţ s-dghivâsiţă pi www.rri.ro şi pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International