| Misuri ti dari sila ali economie 9.09.2011 |
| (2011-09-09) |
| Atea dit soni aspuneari: 2011-09-13 19:26 EET |
Vidzuti, dupu cadearea a reghimlui dit 1989, ca alithea guvi lai ali economie romănești, multi di marili companii di stat aduc dureari di cap a autoritătlor. Ama, tu 20 ani dit soni statlu alasa cumandusearea a multor companii nascanti di eali luyursiti strategiti, cum easti Petrom turlia tu cari aesti fura și sunt gestionati cu subeii. Politizarea artimaii și niaxia atilor manageri, numasit politic, suntu luyursiti protili furnii di cadeari a companiilor ti nu au hairi. Va s-ascapa di activitatea și imaginea a lor, asi ca Guvernlu di București apufasi cu FMI-ul ca la protili companii di stat să hiba bagat ași-numasitlu managementul privat. Prota dzasi consilierlu a premierlui, Andreea Paul Vass, lipseasti scadearea a marlor cheardiri a companiilor, ti critica, ma multu, ti turlia ti cari s-featira investiții. Consilierlu luyurseasti că, managerii a companiilor nu suntu axi s-ascapa România di zniili a crizaei globali. Ministerlu ali Economie di București propusi una listă, ama dischisă, ti nai ma importanti companii ti armasira sum cumandusearea a statlui. Până tora, autoritățli și reprezentanții a FMI-lui dzasira ca managementul privat va s hiba bagat la Hidroelectrica, Oltchim, Tarom și CFR Marfă. Dupu cum dzasi presei, pi lista dit soni pot ta s-hiba tricuti Nuclearelectrica, Transgaz, Romarm, Romgaz și Transelectrica. Selecția a nailor manageri va s-hiba adrata di una firmă independentă di resursi umani, cunoscută pi plan internațional. De bagarea a managementului privat, s-pari, ca nu va s- ascăpa niti radioul si televiziunea publica. Fara halat, Camera a Deputațlor a pruche una pripuneri ti pruveadi ca aesti instituții s-hiba cumandusiti di manageri privaț, alepta dupu una licitații internaționala. Analiștaii luyursescu că managementul privat va s-aiba una amanari di 20 ani și că el nu poati s-aduca mari alaxeri, tu arada tu cari easti zori ti pistipseari ca politiclu va s-traga ,ana s-nu s-ameastica tu lucurlu a companiilor.
Autor:Florentin Căpitănescu
Armanipseari: Aurica Piha
|
2025-04-03
Print
Puteț s-avdzâț căndțido