| România și intrarea tu Schengen 8.09.2011 |
| (2011-09-08) |
| Atea dit soni aspuneari: 2011-09-29 12:38 EET |
Intrarea ali Romanie tu spațiul Schengen, ti lipseasti s-tana tu meslu martu, easti tu menga a autoritățlor di București. Ministrul roman di Interni, Traian Igaș, avu moabet pi aesta tema cu comisarul european ti Afaceri Interni, Cecilia Malmstrom. Oficialul roman scoasi tu migdani că tuti rapoartili di evaluare spun că Bucureștiul easti etim tehnic s-tana cheptu a provocarlor di la sinurlu dinafoara a UE. El adusi aminti că România feati investiții semnificativi ti securizarea a sinurlor, ti modernizarea aero-portuara si a consulatilor si easti etima s-ndreaga situații ligati di migrarli dit reghiuni, tu arada intrăriei tu spațiul di liberă urdinari. Bucureștiul sa spuni ti adrarea a buna a regulilor ti sed la thimeilu a guvernanței Schengen, ti hairea a proceslui di evaluari și bagarea di reguli artimaii tu scopolu ti niagiundzeari la disuiduseri. La Bruxelles, Igaș lo parti și la ouna audieri publica tu Parlamentul European, deadun cu omologlu a lui varyar, Țvetan Țvetanov, tu ti mutreasti strategia UE mutrinda migrația tu arada a tindeariei a Spațiului Schengen. Ministrul roman dzasi că situația a statilor membri ti da asiguripseri ti viglearea a sinurlor externi. El zbura ti ananghea ca tuti regulili avuti tu spațiul Schengen ti adrari cama buna a politicilor europeni. Di alta parti, Igas adusi aminti că Bucureștiul umplu tuti caftarli a acquis-ului Schengen. Cu tuti gairetli a chivernisilei di București, Olanda pari s- armână cu subeii ti aderarea României la spațiul Schengen estan. Igaș dzasi ca Ghrmania ti eara opozanta apruche ideea ti intrari ali Românie tu spațiul di liberă circulație, ama tu hopi, cu disclidearea prota a sinurlor aerieni. El dzasi că ministrul polonez di interni, Jerzy Miller, a curi vasilii ari prezidenția semestrială a UE, va sa zburasca stamana ti yini, Olanda, ti România și Varyaria. Finlanda, ti și spusi ea rezervili ligate di aderarea a atilor daua vasilii, și-alaxi tu arada a ei, poziția, dzasi Traian Igaș. El dzasi că la Consiliul Justiție și Afaceri Interni dit 22-23 di yismaciun, iu s-asteapta una apofasi ti aprucheari tu spațiul Schengen, România și Varyaria lipseasti s-hiba mutriti cu tinii, fără subeii ti discriminari.
Autor: Mihai Pelin
Armanipseari: Aurica Piha
|
2025-04-03
Print
Puteț s-avdzâț căndțido