|
|
| Crişteari icunomică di mesi |
| (2008-11-24) |
| Atea dit soni aspuneari: 2009-02-24 13:35 EET |
Tora cându s-duchescu protili efecti a crizâl’ei icunomicâ mondialâ tu Romanii analştil’i ş-li ayâlisirâ niheamâ prognozili optimisti ş-dzâcu câ ţicara câ icunumia va s-creascâ estan cu ma multu di 8%, avansul a l’ei va s-ascadâ la ma puţân di giumitati tu 2009. Unâ medie a prognozilor spuni ti anlu ţi yini unâ crişteari icunomicâ di 3,4% Dipu al’iumtrea minduiescu analiştil’i di la Moody's cari luyursescu unâ ma mari ascâdeari, di 0,3 proţenti. El’i dzâcu câ “câţe climatlu s-feaţi ma laiu, icunumia va s-streacâ prit mări alâxeri vârâ 1-2 an’i. Criştearea a exporturlor va s-ayâliseascâ, di itia a ccrizâl’ei ditu alanti vâsilii UE, ş-criza globalâ di lichidităţ va li ascadâ fluxurli di capital câtâ România, cumu şi hârgiuiarea şi investiţiili interni”. Analiştil’i di la Fitch Ratings nu exclud posibilitatea ti unâ ascâdeari a Productului Internu Brut tu protlu trimestru a anlui ţi yini, ama, dzâcu el’i, aestu sţenariu easti puţân probabil, avândalui tu videari catandisea a consumlui ditu Români. Specialiştil’i Fitch Ratings, dzâcu câ "unâ ascâdeari di napandica a leului poati s- agudeascâ icunumia realâ şi sistemlu bancar, pi fondul criştearil’ei ali ponderi ţi u ari euro tu sectorlu financiar". Aţel’i di la Royal Bank of Scotland luyursescu câ majoritatea a statilor ditu Europa Chentralâ şi di Estu suntu para optimisti tu aţea ţi mutreaşti perspectiva a exporturlor şi a investiţiilor xeani directi, tu condiţiili tu cari “tuti vâsiliili ditu reghiuni va sâ s-batâ ti unâ pârjiturâ multu ma n’icâ, pi fondul scâdearilei a comerţului şi ali icunumie". Experţâl’i roman’i suntu cama optimişti. Lucian Anghel, di la BCR, pistipseaşti câ trimestrul ditu soni a aiştui anu va s-hibâ cama slab, ama “tutu va s-hibâ , fabulos di mari andicra di situaţia ditu reghiuni”. Ionuţ Dumitru, di la Raiffeisen Bank România, luyurseaşti câ "easti inevitabil ca scâdearera ali câftari xeanâ pi fondul a crizâl’ei ditu zona euro va s- aducâ ş-tu Românie unâ ascâdeari em a exporturlor, em ali producţie industrialâ.". Melania Hăncilă, di la Volksbank România, luyurseaşti ama ti 2009 unâ dinamicâ pozitivâ a PIB, di itia a misurlor di ndrupari ali icunumie di partea a autorităţlor şi a licşuraril’ei ali politicâ monetarâ, unâoarâ cu ascâdearea a presiun’ilor inflaţionisti. Aţeali ditu soni luyurseri ali Comisiei Naţionalâ di Prognozâ spunu ti estan unâ crişteari icunomicâ di 9,1%, ş-ti 2009 di 6%. Prognozieli BNR âlu bagâ avansul PIB la 8-9% estan şi 4-5% tu 2009.
Autor: Corina Cristea
Armânipsearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido