Radio Romania International

Arhiva :

Un yinitor ti Delta a Dunâl’ei
(2008-11-24)
Atea dit soni aspuneari: 2009-02-24 13:30 EET Print
Braconaj (acâţari peştâ ş-avinari pul’i paranomu), construcţii nal’iurea, poluari (nfârmâcarea a fisil’ei), exploatari pseftâ a resursilor naturali. Tuti suntu problemi a Deltâl’ei a Dunal’ei, cari potu s-u aspargâ ti daima aestâ rezervatie unicâ tu Europa, intrata tu patrimoniul UNESCO. Premierlu român, Călin Popescu Tăriceanu, pricunoaşti câ misurli di alumtâ contra a broconajului nu avurâ hâiri. Soluţia idealâ, dupâ pârearea a lui, easti acâţarea a peştilor maş ca activitati turistica. Altâ turlie, acâţarea la peştilor la scarâ industrialâ poati s-ducâ la aspârdzearea a zigâl’ei naturalâ şi a habitatlui, faţi timbihi şeflu ali chivernisi di Bucuresti. Guvernatorlu a Deltâl’ei ali Duna, Liviu Mihaiu, dzâţi ţi buneaţâ va s-aducâ turnarea la acâţarea a peştilor traditionalâ. Liviu Mihaiu (track): “Scupolu easti peşţâl’i ditu aestâ rezervaţie s- armână la locul a lor, tu singirlu trofic ali rezervaţie. Pescul cari cari yini ditu Delta a Dunăl’ei câtâ alantâ parti ali vâsilie, east tu documenti, maş 2% ditu aţelu ţi s-vindi mpâzari. Nu va s-hibâ niţi unâ traghedie maca pescul ditu Delta a Dunăl’ei va s-hibâ mâcatu tu Delta a Dunăl’ei, aşi va âmpâcămu em capra turistică, em verdzulu di armâneari tu banâ”. Braconajlu s-faţi, pi di altâ parti, di titia a xichil’ei di alternativi ti bânâtorl’i a Deltâl’ei. Autorităţli ândreapsirâ un plan ti ântreaga zonâ, di vârâ 130 di miliun’i di euro, ti dezvoltarea ali infrastructurâ şi a nâscântor activităţ complementari, cum suntu lucrarea ali câlami icâ construcţiili. Aesti ditu soni s-feaţirâ pânâ tora nal’iurea, şi fârâ s-mutreascâ ici la normi ş-la adeţli locali. Guvernatorlu ali Deltâ tâxeaşti ama, surparea a casilor fârâ autorizaţie cum şi a reşedinţilor cari nu tin’isescu regulamentul -cadru di arhitecturâ şi urbanismu. Delta s-alumtâ şi cu efectili ali poluari, maxusu cu pârmâtii petrolieri di la pamporili cari urdinâ pi Dunâ. Contracararea a fenomenlui poati sâ s-facâ maş prit un control ma sertu al vasilor cari urdinâ pi fluviu şi prit bâgarea zori s-pâlteascâ ti iţi câlcari a nomlui tuţ turiştill’i cari fac lâieţ tu Deltâ. Cama radical, premierlu mârtirisea câ lu –ariseaşti ma multu ideea di transformari ali rezervaţie Delta a Dunâl’i tu unâ zonâ exclusivistâ, accesibilâ maş ti oamin’il’i avuţ. Aoa, nu puţâni suntu aţel’i , cari u voru Delta fârâ s-u aspargâ ş-nu u aproachi ideea a premierlui. Auror: Ştefan Stoica Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International