| Isapi ali diplomație românâ |
| (2011-09-01) |
| Atea dit soni aspuneari: 2011-09-13 19:25 EET |
Dupu adeti, andamusea di cathi an ali s-aadră ună isapi ali diplomație adună tu un loc tut ambasadorii și consuli ali Românie cu proțli responsabili politiț di București. Deadun aeștă recapitulează succesili i niamintatițli dit politica externă și apufăsescu agenda ti chirolu ti yini. Njercuri, premierlu Emil Boc lâ câftă a diplomațlor s-contrabalanseadză cățe soțlii europeni nu fură simfuni cu intrarea tu spațiul di liberă urdinari Schengen. Prota programată ti marțu 2011, intrarea fu amânată sine die di furnia a nascantor membri influență dit Uniunea Europeană. Cancelariilii occidentali pricunoscu că, tehnic, România easti etimă s-intră tu Schengen, ama bagă stepsu tu administrație și nialăxearea ali Justiție. Tora primlu ministru dzăți că dupu afosali europeani ali Românii va hibă asiguripsită aderarea anlu ți yini. El dzăsi că, pi ninga dosarlu Schengen, di toamna și anlu 2012 va s-hibă ti politica externă românească, va s-hibă tu prota tesi gairetli financiari 2014-2020 a UE, Tânearea ti interes ti viținata estică și ti regiunea teasă ali Amarii Laii. Boc la DEADI URNIMIA a ambasadorlor s-aleagă anamisa di aver si halat" și să prezintă cu "onestitatI și profesionalismU" gairetli a Guvernului ta s-tână sinferlu a investitorilor xeni ti România. "România ari ananghi ti bună valorificari a fondurilor europeni, ama si dari sila a ligăturlor economiți cu văsiliili a UE și, și ti nvărtusarea cooperariei cu partenerii dit alti zoni dit lumii adăvgă premierlu, cari lă feați timbihi a diplomațlor că prezența a lor tu xeani au si una simasii ti performanți economițI. Boc zbură di disclidearea la New York, Beijing, Moscova, Bruxelles, cum și tu capitalili alântor văsilii dit lumii, a născăntor chentri ti promovari a afacerlor, cari s-lucreadză sum areapta a birourilor economiti a a ambasadilor ali Românie. Ca amfitrion ali andamusi , ministrul di Externi, Teodor Baconschi, dzăsi că, după admiterea tu 2007, România să spusi axi s-chivernisească ca stat membru ali Uniunii Europeani. El sâ spusi hăristusit ti consolidarea i relansarea cu soțli tradiționali ali Românie, prit cari Ghermania, Marea Britanie, Italia și Franța. Oaspiti speciali ali andamusi di București ali diplomație română fură miniștrii di Externi dit Turcia, Ahmet Davutoglu, Suedia, Carl Bildt, și Republica Moldova, Iurie Leancă.
Autor: Bogdan Matei
Armânipseari: Aurica Piha
|
2025-04-03
Print
Puteț s-avdzâț căndțido