Radio Romania International

Arhiva :

România, fără ţertificati di poluari - 2011.08.29
(2011-08-29)
Atea dit soni aspuneari: 2011-08-30 13:53 EET Print
România fu curmată di la darea-loarea a ţertificatilor di emisii di carbon cu efectu di seră di furn’ia a niscăntor lucri slabi tu ţi mutreasti evaluarea naţională pitricută tru 2010, dimăndă ministerlu a Fisil’ei di Bucureşti. Apofasea fu loată di Comitetlu ONU di Conformari a Protocolui di Kyoto dit 1997 şi easti tu practico până la andridzearea a disuiduserlor ţi fură aflati. Aşi cum să spuni tru protocol, cara un crat semnatar anfarmăcă ma puţăn andicra di ţi avea pruvidzută, poati s-vindă ţertificatili di emisii de carbon la statili care u năstrec cumata. România ari ună artimaie di 300 di miliun’i di ţertificati, ti cari autorităţli putea ta s-amintă tu 2009 aproapea 3 miliardi di euro. Tu 2011, păhălu a ţertificatilor, apufusit prit un ndilicat mecanismu a căftaril’ei şi ali ofertă pi ma multi bursi, scădzu la giumitati, ahtari turlie că statlu poati s-l’ia nai cama multu 1,5 miliradi di euro. Păradzl’i vrea s-putea s-hibă ufilisiţ ti investiţii tu tehnologii ţi nu anfarmăcă, siminarea cupacil’i tu păduri ică reţiclarea a curpriilor. Ministurlu a fisil’ei, László Borbély, exighisi că Bucureştiul nu raportă salami cantitatea a emisiilor de gaze cu efectu di seră tu scară naţională, pi thimel’ilu a curi s-l’ia aşi-număsitili ţertificati, iara responsabilitatea easti ali Agenţiei Naţională tră Protecţia a Fisil’ei. Ufiţial’i român’i au nădia, ama, că chirolu ti curmari di la vindeari a ţertificatilor s-hibă apridunată la trei-patru meşi. Până atumţea, Bucurestiul lipseaşti s-bagă tru practico un sistem uidisit şi hăirlătic ti ună isapi tin’isită pi nivelulu a emisiilor di gaze cu efectu di seră tu scară naţională. Pi thimel’ilu a aiştei, România va s-ndreagă ună nauă variantă mutrită diznău tră inventarlu naţional, pi cari să u pitreacă cătă evaluari şi s-caftă băgarea diznău eligibilitatea ti nai ma şcurtu chiro. Tu bitisita a anlui ţi tricu, autorităţli di Bucureşti păzărăpsea vindearea a aiştor ţertificati cu văsilii cari nu ş-tin’isisră borgili dit protocolu di Kyoto dit 1997, ntră cari Japonia, Canada, Spania, Portugalia. Presa di Bucureşti comenteadză pi largu mintăturli a aiştei apofasi şi cum easti tru piricl’iu România ta s-cheară aeşţă păradz ţi cabaia ăl’i suntu ananghi, maxus tu chirolu di criză. Analiştil’ii economiţ spun şi el’i că nădiili ca statlu român să-şi vindă excedentul di ţertificati di emisii nfărmăcoasi suntu aproapea mpadi, ti furn’ia că vadelu limită ti băgarea a lor tu practico, anlu ţi yini tu 2012, s-aproachi, iara darea-loarea nu poati s-hibă reportată. Cu ună curamri di idyea turlie nica fură sancţionati, tu chirolu di ma ninti, di Comitetlu ONU di Conformari a Protocolui di Kyoto, Gărţia, Vărgăria şi Croaţia. Autor: Andreea Bojoi Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International