Radio Romania International

Arhiva :

Tănearea a alidzerlor tu idyiul chiro tru moeabeti – 2011.25.08
(2011-08-25)
Atea dit soni aspuneari: 2011-08-29 15:00 EET Print
Nchisită ună ş-ună după alidzerli leghislativi parţiali dit dauă giudeţi, moebetea desi easti cu hăiri ţanearea tu idyiul chiro, di anlu ţi yini, a alidzerlor locali cu parlamentarl’i agiumsi lucru di prota thesi tu arada ali aghendă politică dit România. Ideea fu lansată di premierlu Emil Boc şi, ca ti ciudie, pari s-hibă mbărţitată ş-di opoziţie. Protlu argumentu a putearil’ei easti di turlie financiară. Hărgili va s-n’icşureadză prit ţănearea a aţilor dauă scrutini tu idyea dzuuă. Di altă parti, halatlu electoral nu va s-lundzească tut chirolu a anlui, iara prezenţa la urni va s-hibă cama bună, ştiut hiindalui că oamin’il’i suntu ma cu sinfer ti alidzerli locali andicra di aţeali leghislativi. Furn’ia financiară adusă aminti di puteari easti cu şubei ti opoziţie, cari lugurseaşti că prota avyiulie tu Guvernu, PDL, va să s-ufilisească di ună eventuală ţăneari tru idyea dzuuă şi va s-da păradz a primarlor ta s-ascumbuească oamin’il’i s-voteadă aţea ţi vor năşi. PDL, filotim şi cu mintiminil’e tu ţi mutreaşti turliili tut cama multu ică ma pţăn cu ţiva masti ti dari aruşfetea electorală, va s-aibă economie, aestă turlie, resursi financiari di mari simasie, minduescu adversarl’ii. Nica şi aşi, Uniunea Social Liberală, di opoziţie, va s-hibă tu piricl’iul ta s-acaţă calea a sţenariului ti ţănearea tu idyea dzuuă, tu condiţiili tu cari alidzerli va s-dizvărtească cât cama ayon’ia anlu ţi yini. Ayun’iusearea ali Opoziţie yini cu vrearea ta s-bagă tu practico amintaticlu/ avansul di cari s-hărseaşti tu sondaji. Un avansu ţi easti maş pi carti, ca yilipseari easti amintaticlu limbid a PDL tu un di colegiili ţi eara tu antriţeari dumănica ţi tricu. Cari ţi s-hibă, ama, sinferurli a tăburlor cari va s-hibă tu antriţeari, apufusitor, tu 2012, comasarea a alidzerlor locale ş-parlamentari s-agudeaşti di ambodyiuri di turlie tehnică, ti furn’ia că aestă caftă alăxearea ti nai pţăn dauă nomuri cu caractir organic. Mandatlu di patru an’i a primarlor s-bitiseaşti tu vearea a anlui ţi yini şi el poati s-hibă prilundiztu, aşi cum pruveadi nomlu di tora, maş tu catastisi excepţionali, di turlia a fănicadzlor tu fise ică vără polim, exighiseaşti viteprezidentul ali Autoritati Electorală Permanentă, Marian Muhuleţ. Tru idyiul chiro, mandatlu a senatorlor şi a deputaţlor, cari s-bitiseaşti ti di toamnă, nu poati s-hibă şcurtat că maş tu niscănti conjuncturi constituţionali. Tănearea tu idyea dzuuă poati să s-facă, ama nu iţi turlie, spuni Marian Muhuleţ: „Singurli alidzeri cari pot s-hibă dusi ma largu suntu aţeali locali, ama eali pot s-hibă fapti maş cara va s-alăxească cadurlu legal di tora ş-aestă poati să s-facă prit un nău nom; un nău nom cari s-aibă pruvideri em ligati di alidzerli locali, em şi di aţeali parlamentari. Ta s-adari alăxeri la nomurli ţi suntu tu practico nsimneadză s-adari ună mpiticari”. Acăţarea tu isapi a crizăl’ei la capitulu catastisi di ananghi fu scoasă tu migdani ca ună cearei. Furn’ia că rivali politiţ ţi suntu pi cicior di niachicăseari, suntu simfun’i cu ţănearea tu idyea dzuuă faţi minduita cu căbili, cara nu ari nica şi vără cearei ta să s-tănă. Autor: Ştefan Stoica Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International