Radio Romania International

Arhiva :

Diznău la Bacalaureat - 2011.o8.22
(2011-08-22)
Atea dit soni aspuneari: 2011-08-23 12:08 EET Print
După ţi ma ghini di giumitati di promoţie nu tricu ma largu bacalaureatlu "di veară", ma mulţă elevi român’i ca vărnăoară tu aeşţă 20 an’i dit soni va u ţănă, aesti dzăli, până pi 2 di yismăciuni, a daua sesiuni a examenlui di maturitati. Numirlu a aţilor ngrăpsiţ ti ună nauă examinari s-aproachi di 110 n’il’i, după ţi dit aţel’i aproapea 205 n’il’i di elevi participanţă la sesiunea di veară ma puţăn di 46% loară notă di triţeari. Protili probi suntu aţeali di verificari a axizerlor lingvistiţi, deapoa va s-aibă, idyealui ca tu prota sesiuni, proba di evaluari a axizerlor digitali, iara stămâna ţi yini easti ahărdzită ti examenili ngrăpsiti la limba şi literatura română, limba şi literatura maternă, cum şi la proba obligatorie a profilului ică ali specializari. Testarea nu va s-hibă ma nghios tu dificultati andicra di aţea di veara, spusi ministurlu di resortu, Daniel Funeriu: „Subiectili va s-aibă tamam idyiul grad di dificultati aşi cum fu la prota sesiuni. Corectarea va s-hibă echitabilă. Noi him căndăsiţ că aţel’i cari s-ndreapsiră ,cari nviţară va s-treacă bacalaureatul, iara aţel’i cari nu suntu ndrepţă nu va lu treacă.” Aproapea 30 di şcol’iuri avură promovabilitati zero tu sesiunea di veară, iara aproapea 900 di candidaţ fură eliminaţ ti furlăchi. Daniel Funeriu spuni tora că Ministerlu ali Educaţie va u ţănă tu idyea scară şi la aestă sesiuni politica di toleranţă zero andicra di iţi tentativă di furlăchi: „examenlu lipseasti s-hibă prota ş-prota tin’isitu, iara după ţi lumea va s-nveaţă cu aestu lucru, putem s-minduim şi ti performanţă”. Unăoară cu standardili di exigenţă easti ţanut tu fărnuri şi sistemlu lărdzitu di avigl’iari video a camerilor di examen. Aţel’i cari intră tu examen cu manuali, dicţionari, notiţi ică ngrăpseri, cu telefoani mobili ică alti hălăţ electroniţi di isapi ică di comunicari, acă va li ufilisească ică nu ti rezolvari, subiectili, suntu tu piricl’iu ta s-hibă scoşi dit examen şi nu va s-poată ta s-ducă tu yinitoarili dauă sesiuni. Prezidentul ali societati română di matematică, Radu Gologan, aleptu di jurnalu ADEVĂRUL, mindueaşti că maş vără 10% di atel’i ţi cădzură va lu l’ia examenlu di bacalaureat tu sesiunea di tora, aestă di furn’ia că, cu tuti meditaţiili ţi li feaţiră nai cama mulţă, chirolu di pregătire fu multu n’ic. Idyealui fără nădii easti şi Ciprian Ciucu, expertu a Centrului Român tră Politiţ Europeani. El lugurseaşti că născănţă va s-aibă niheamă hăiri, loară meditaţii, ama dip şi aestă turlii el’i nu amintară ahăt căt lipsea, educaţional tu aestă veară. Cari ţi s-hibă rezultatlu, ama, 2011 armâni anlu cu nai cama multi recorduri nivruti tru dumenea ali educaţie dit România – nai cama scdăzută rată di promovabilitati tru prota sesiune, nai ma mulţă eliminaţ ti furlăchi, nai ma marli numir di contestaţii şi numir recordu di candidaţ ngrăpsiţ la sesiunea a daua. Autor: Corina Cristea Armănipsearea: Taşcu Lala Puteţ s-ghivăsiţ nota pi www.rri.ro ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International