Radio Romania International

Arhiva :

Un nău ministru a Sănătatil’ei – 2011.08.18
(2011-08-18)
Atea dit soni aspuneari: 2011-08-22 14:26 EET Print
Criza ţi avea işită tu migdani ti furn’ia că ministurlu român a Sănătatil’ei ş-deadi demisia, cari fuvirsea şi parteneriatlu la guvernari anamisa di PDL şi UDMR, s-bitisi. Tu loclu al Cseke Attila, Uniunea lu aleapsi ti căpia a ministerlui yiaturlu Ritli Ladislau, cari fu băgat pi ipotisi. Specialistu tu pediatrie, oncologie şi hematologie, profesor universitar şi director di spital, Ritli pari s-hibă ceareia di compromis ţi ari scupolu ta s-li isihăsească apili tu suţată. Di simasie ti simfunia ncurunaril’ei anamisa di PDL şi UDMR easti şi apofasea politică că Ministerlui a Sănătatil’ei să-lu facă simfun lucurlu a Casăl’ei Naţională di Asiguripseri di Sănătati, a curi dip ună multu mari marjă di lucru fu şi ună di furn’iili ti demisia al Cseke Attila. Acă fu alăvdat ti gaereţli a lui tră imnaticlu a reformăl’ei tru dumeni, aestu nu ascăpă di cutuguserli a prezidentului Traian Băsescu. Caplu a statului, cu un avertismentu şi cătră năulu ministru spusi: „Am tu mengă maxus imnaticlu hăirlătic a reformăl’ei tru sistemlu di sănătati şi voi s-akicăsiţ aţea ţi predecesorlu a vostru nu akicăsi, că nu pot s-hibă daţ alţă păradz la sănătati până cându nu ncl’idem robinetili prit cari cură păradz di la sănătati, ama nu cătă lăndzidz, că tu alti direcţii”. Nchisindalui di la experienţa a aţilui di ma ninti ministru tu ligătura cu Casa Naţională di Asiguripseri di Sănătati, UDMR lugurseaşti di aradă turnarea a aiştei sum cumandul a Ministerlui. Apofasea poati s-asiguripsească simfunia a politiţlor tru dumeni şi va li scoată ambodyiurli işiti tu migdani pănă tora di furn’ia că politiţli era ndreapti di Minister, chiro tru cari nai cama multi di fonduri era chivirnisiti di CNAS, spun liderl’i ali Uniuni. Premierlu Emil Boc cundil’e că sistemlu a asiguripserlor di sănătati va li aibă tu idyea scară, ama, autonomia, nica şi aţea financiară. Emil Boc: „Fu ună moabeti ţi u avui cu partenerl’ii di la UDMR. N-achicăsim că Ministerlu a Sănătatil’ei s-aibă cumandul ş-ti Casa Naţională di Sănătati, aesta va ş-aibă ama ma largu statutlu di ordonator prinţipal di mpărmuturi ş-că aesti politiţ aprucheati ş-achicăsiti s-hibă băgati tu lucru aţea turlie că reforma a sistemlui sanitar dit România s-hibă scoasă ncap ti ufelie a lăndzitslor”. Proţl’i scupadz ti Ritli Ladislau suntu ndridzearea, adoptarea şi băgarea tu practico a unăl’ei pachetă nai cama n’ică di serviţii medicale asiguripsiti. Un ahtari nom va s-ndreagă ziga păn tru soni anamisa di aţea ţi pălteaşti cafi insu la fondul di sănătati şi serviţiili ndreapti ti aestă contribuţii. Pi agenda di lucru a ministurlui nica suntu băgarea tru lucru a cardului naţional di sănătati şi ufilisearea a yitriilor gheneriţi tru loclu a yitriilor ma scumpi. Autor:Ştefan Stoica Armănipsearea: Taşcu Lala Puteţ s-ghivăsiţ nota pi site-ul a nostru www.rri.ro ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International