Radio Romania International

Arhiva :

Nica trei an’i di sirţăl’ie – 2011.08.12
(2011-08-12)
Atea dit soni aspuneari: 2011-08-17 18:07 EET Print
Strateghia fiscal-bugetară minduită di executivlu di Bucureşti ti chirolu 2012 - 2014 da hirir-hiri a român’ilor, ti furn’ia că di doi an’i ş-cama cu zori ţăn cheptu la niscănti meatri di sirţăl’e. Curmarea nidarea a tichetilor di masă, dhoara şi di adyi vacanţă ti lucrătorl’i dit instituţiili publiţi, curmarea ş-tră anlu ţi yini a sistemlui tră darea premii ti bugetari şi compensarea maş cu oari adyi/ libiri a lucurlui faptu pi ningă chirolu normal di lucru suntu maş ndauă di meatrili băgati tu minti. Pi ningă aesti, politica di curmari ti băgarea tu lucru a oamin’ilor tru sistemlu public, prit acăţarea a unăl’ei ipotisi dit şapti vacantati, va s-armănă tru idyea scară până tru anlu 2014, vade pănă căndu va s-hibă teasă şi interdicţia di ancupărari aftukinati, mobilier şi aparatură birotică ti instituţiili publiţi. Tuti aesti cu un singur scupo – s-aibă economii la bugetlu di stat, pi fondul a hăbărlor lăhtăroasi ţi zburăscu ti ună căbili mutrindalui daua dalgă a crizăl’ei economică pi nivel global. Politica di sirţăl’e ari tru mengă şi pensionarl’ii. Criştearea a născăntor pensii, programată prit nom ta s-hibă băgată tu lucru anlu ţi ini, va s-hibă curmată până tru 2014. Hăbărli suntu slabi ş-tră profesori, guvernul avăndalui naeti ta s-amână cu doi an’i finanţarea a sistemlui educaţional cu nai ma pţăn 6% dit PIB, ti furn’ia că, spun guvernanţăl’i, ahărdzearea a fondurlor pi aestu nivel caftă ună gaereti bugetară, ama a statlui nu-l’i da di mănă. Naua strateghie scoasi tu migdani reacţii ună ş-ună. Opoziţia stipseaşti guvernul că nu acaţă tru isapi averurli macroeconomiţi, că nu l’ia apofasi tra s-andrupască criştearea economică şi ma largu u arucă criza pi anumirl’i a bănătorlor. Naua strateghie fiscal-bugetară aduţi găilipseari, spun şi sindicaliştil’i, căţe yini dupu meatrili di sirţăl’e ţi li ari loată Executivlu nica dit 2010, cându s-n’icşurară pensiili şi tin’iili di cafi mes a bugetarlor, iara aesti categorii suţiali aştipta că di anlu yinitor, să s-toarnă di la aesti apofasi prit criştearea a amintatiţlor. Bogdan Hosu, prezidentul a unăl’ei di nai ma mărli confederaţii sindicali dit România, "Cartel Alfa", lugurseaşti că, maca guvernul li creaşti restricţiili ti sistemlu public, atumţea el să spuni dininti ca "un manager niaxi" ta s-aducă amintatiţi la bugetlu di stat şi dimăndă, dit yismăciun, acţiuni di protest. Partidili ţi suntu la guvernari spun că, tu contextul a evoluţiil’ei di criză economică pi nivel internaţional, România ari cabaia ngătan nica ş-că strateghia nu excludi ună eventuală crişteari di pensii şi a tin’iilor di cafi mes tu contextul tu cari va s-aibă ună evoluţie economică pozitivă. Guvernanţăl’ii spun că cetăţean’il’i lipseaşti ta s-akicăsească că economia ari tora şansa ta s-hibă stabilă, iara aestă şansă poati s-hibă compromisă di politiţ populisti. Corina Cristea Taşcu Lala Puteţ ta s-ghivăsiţ nota pi www.rri.ri ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International