Radio Romania International

Arhiva :

Căţe scădzu inflaţia - 2011.08.11
(2011-08-11)
Atea dit soni aspuneari: 2011-08-12 12:10 EET Print
Meslu alunar adusi ti armân’i, aputrusiţ di criza economică, un adil’aticu di oxigen: iftinirea a yimişilor şi a zărzăvăţlor, deadun cu aţea a lactatilor, a zahărăl’ei şi a birăl’ei, dusi la ună scădeari medie a păhadzlor ti produsili alimentari cu 1,9 proţenti. Criştearea a păhadzlor ti serviţii, la apă, canal şi salubritati, a aţilor di telefonie şi a părmătiilor nialimentari li anvăli, ama efectili pozitivi la cari s-agiumsi ti furn’ia a unlui an agricol multu bun. Institutlu Naţional di Statistică dimăndă că păhadzl’i di consum scădzură cu 0,35% comparativ cu meslu cirişar, aatea turlie că România înreghistreadză deflaţie ti a daua oară arada tu dol’i an’i dit soni. Aşi cum spuni consilierlu a guvernatorlui di la Banca Centrală di Bucureşti, Adrian Vasilescu, scădearea easti remarcabilă, tu condiţiili tu cari România avea nai ma marea inflaţie dit UE. Aestă scădzu, tu alunar, la 4,85% di la maximlu a aţilor aproapea trei an’i, di 8,4%, agiumtă tu meslu mai. Adrian Vasilescu: „Easti ună scădeari cabaia mari, ma multu di trei puncti proţentuali, chiro di 12 di meşi. Aavum nai ma marea inflaţie dit Uniunea Europeană. Ascăpăm di ea ş’bitisim. Cadealihea că, ningă aţel efectu matematic, aţea scădeari ţi spuni cama di trei puncti proţentuali ari nica nă itie, dimec efectul tut cu tut a aţilor dauă rati negativi dit cirişar şi dit alunar. Practic, cirişar şi alunar fură doi meşi tu cari, spusă pi româneaaşti, păhadzl’i scădzură. Păhadzl’i gheneral’i.” Datili părăstisiti di Institutlu Naţional di Statistică suntu simfuni cu hăbărli buni ţi li deadi guvernatorlu a Băncăl’ei Naţionali ali Românie. Luni, Mugur Isărescu dimăndă că Banca Centrală năpoi u mutri tu scădeari proiecţia di inflaţie ti 2011 di la 5,1% la 4,6%, iara ti anlu 2012 di la 3,6% la 3,5%. Previziun’ili spun ună archhişurari ti rata ali inflaţie cătă 5% ică nica şi sum 5% tru meslu yismăciun, iara cătă inşita a anlui ună dănăseari. Guvernatorlu Mugur Isărescu feaţi timbihi, ama, că rata ali inflaţie, ama şi economia ali Românie, ţănu di aţea ţi va să s-facă pi nivel mondial. Piricl’iurli yin, spuni el, di cătă posibila scunkeari tu zona euro a părmătiilor primi şi di cătă evoluţia a cursului di alăxeari euro-dolar. Tu ziga a piricl’iurlor, angreacă tutunăoară, băgata tu plan scuteari a subvenţiilor la energhia termică, cata cum şi inţertitudin’ili ligati di liberalizarea a păhălui la gazili naturali şi energhia electrică. Corina Cristea Taşcu Lala Puteţ s-ghvăsiţ nota pi www.rri.ro ş’pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International