Radio Romania International

Arhiva :

Reacţii la acl’imarea a prezidentului - 2011. 08.10
(2011-08-10)
Atea dit soni aspuneari: 2011-08-11 17:00 EET Print
Mintireajili di pi păzarli financiari internaţionali şi intertitudin’ili tu ligătură cu mira ali economie mondială nu armasiră fără ecou politic Bucureşti, tu condiţiili tu cari bursa locală fu vărtos zn’iipsită di cutulburărli fapti tu scara internaţională. După Ti cumăndusi ună andamusi cu analţă responsabili politiţ ama ş-dit dumenea bancară, prezidentul Traian Băsescu vru tra s-dimăndă a Guvernului şi a politiciean’ilor căndăsearea ti responsabilitati şi s-aibă ngătan, iara a naţiunil’ei ta s-hibă isihă. Maxus că, spuni caplu a statlui român, zborlu "criză" nu easti nai ma uidisit ta s-zugrăpsească atea ţi s-faţi tora tu lumi.Traian Băsescu: „Vahi că, nai ma pţă tu aestă oară, nu lipseaşti ta s-ufilisim zborlu "criză". Nu am asparizmă ti aestu zbo, ama toradioară avem dininti ună reacţie a păzărlor la apofasi, vahi nicăndisitoari, em tru SUA, em ş-tru Europa. Dimec, nu minduescu că putem să zburăm nica ti ună criiză, că maş ti ună reacţie”. Di aestă furn’ie, el feaţi urminie ali mass-media ta s-tragă mănă di la numi, titluri şi zugrăpseri ţi au scupolu ta s-aducă lăhtărseari. Tu atea ţi mutreasti turlia tu cari Guvernul lipseaşti ta s-cilăstăsească, prezidentul cundil’e ti n’icsurarea a hărgilor tu aparatlu di stat, un lucru di prota thesi, păn tru soni, a politiţlor executivi tu anlu dit soni. Traian Băsescu: „Tu amrpotusa lipseaşti s-hibă acăţată tu isapi dutearea ma lrgu a politiţlor di n’icşurari a hărgilor tu lucurlu a statlui, dutearea ma largu a programilor cama cu hăiri a hărgilor suţiali şi anchisearea ntrăoară a unui program că pi vade di mesi s-echilibrăm resursili a fondului di pensii. N’icşurarea a deficitilor la niscănti fonduri lipseasti s-hibă tu amprotusa pi vade di mesi”. Traian Băsescu spusi limbid tu mesajlu cătră politicien’il’ii dit tercl’iul guvernamental, a curi lă căftă tra s-tragă mănă di la tăxerli populisti mutrindalui eventuali crişteri la tin’iili di cafi mes şi la pensii. Fapţă ngătan di timbihea prezidenţiala, democrat-liberalii, prota avyiulii tu suţata ţi easti la guvernari, lugurseaşti raţională acl’imarea al Traian Băsescu. Ti opoziţie, ama, rolu ţi lu gioacă prezidentul, aţel di cenzor a minduerlor şi declaraţiilor populisti viniti di partea a Guvernului işiş, nu easti ti pistipseari. Deputatlu PNL Eugen Nicolăescu: „Noi nu ştim ti ţi zburaşti prezidentul. Zburaşti ti populismili a guvernului ţi el lu cumănduseaşti păn tru soni şi ţi li ufilisi cabaia tru 2009 ta ş-amintă mandatlu şi tora lă caftă a idilor politiciean’i ţi’li cumănduseaşti ta s-aibă un ahtari purtatic, ama ştim că anlu ţi yini easti un an electoral”. Liberalu Eugen Nicolăescu lu stipsi prezidentul că mindueaşti, aestă turlie, ta să-l’i arădă nica nă oară român’il’i. Ştefan Stoica Taşcu Lala Puteţ ta s-ghivăsiţ nota şi pi site-ul a nostru www.rri.ro ama ş-pi Facebook.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International