Radio Romania International

Arhiva :

Media Top - 2011.08.08
(2011-08-08)
Atea dit soni aspuneari: 2011-08-10 14:59 EET Print
Căderi di bursi, retrogradarea a SUA, lăhtărseari tu Europa: lumea s-aproachi di sţenariul prihăbărisitu di laureatlu a Premiului Nobel ti Economie, Nouriel Roubini, cari u-avu noima că va s-yină criza globala ş-cari spunea, tora ma ninti, că, tu 2013, economia globală va s-ampulisească cu ună “fărtună financiara perfectă”. Presa di Bucureşti să spuni sensibilă la seamnili cari pari că-l’i da ndriptati a americanlui di orighini nturţească şi comenteadză catastisea pi largu. Jurnalu Adevărul spuni că, ti prota oară tu istorie, Aghenţia di Evaluari Standard&Poor lu scădzu ratinglu a SUA di la AAA (stabilitati ti-anami) la AA plus, cu nădie negativă. Păzărli apăndăsiră ună ş-ună, lăhtarea s-duchi ş-tu Europa, iu liderl’ii a statilor dit UE cilăstăsescu ta ş-li facă simfuni minărli tra s-nu s-agiungă la ună nauă archişurari bursieră ş-deapoa la ună nauă recesiuni. După cădearea a economiilor ali Gărţie, a Irlandăl’ei şi ali Portugalie, asparizmili a european’ilor suntu ligati, tora, di borgea ţi u ari Spania şi Italia ama şi Franţa, cari, comenteadză Adevărul, va s-hibă tu ananghi ta s-facă n’icşurări bugetari, tu yismăciuni. Juranlu Evenimentul Zilei nă spuni căt chirură, ti ună stămănă, la bursi, nai ma avuţl’I oamin’I ali planetă şi nă hăbăriseasti că scădearea a ratingului a SUA poati s-aducă a aiştor nica şapti dzăli di foc. Jurnalu aleptu s-aşuţă cu ocl’ilji ş-cătă păzărli financiari dit România, di u scoati tu migdani ideea că tocurli bancari pot ta s-crească tu chirolu ţi yini, simfun cu evoluţia a bursilor europeani şi americani. Evenimentul Zilei aduţi aminti că, cu furn’ia a nauăl’ei criză internatională, stămăna ţi tricu, Bursa di Valori Bucureşti cădzu pănă la nai ma slablu nivel tu aestu dit soni an ş-giumitati. “Zero populism tu aestu chiro” easti minduita ţi u spuni analistul financiar Daniel Dăianu ti guvernanţăl’i di Bucureşti, iara minduita a lui u andrupaşti aţea dit soni declaraţie a premierlui român Emil Boc, ţi spuni că aestă criză a borgilor s-duţi ma largu, România hiindalui largu ta să s-lugursească afirită di iţi piricl’iu, cu tuti seamnili a unăl’ei crehtă redresari tru prota giumitai a aluştui an. Jurnalu România Liberă tipuseaşti un interviu cu Mihaela Fârşirotu, profesor di strateghia a afacerlor la Universitatea di Montreal, cari spuni că tu România ari tuti aţeali ţi suntu ananghi ti agiundzearea la ună criză mari şi faţi timbihi că economia românească easti mesea di ţiclon, dimi dupu isihia relativă ari piricl’iu ta s-yină ună lâhtâroasâ fărtună, ti furn’ia a crizăl’ei dit zona euro. ”Intrăm tu un chiro multu greu di ndridzeari diznău a lumil’ei” nyrăpseaşti şi jurnalu financiar “Bursa” ţi aleadzi dit interviul ţi lu deadi profesorlu Vasile Secăreş di la Institutlu Bancar Român. Ti aestă, ceareaia ti işearea dit “ţiclonlu a crizăl’ei” easti turnarea la agricultură, ţi u lugurseaşti “aţel gol loc di puteari ti român’i ş-tră elita naţională, tu aestu chiro ţi yini”. Valentin Tigău Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International