Radio Romania International

Arhiva :

Criza a crişterlor a tin’iilor di cafi mesu
(2008-10-29)
Atea dit soni aspuneari: 2008-10-29 12:20 EET Print
Guvernul, sindicatili, patronatili şi partidili parlamentari dit Romanie, cu excepţia democrat-liberalilor, apufusirâ ca, tu şasi meşi, să redacteazâ şi să bagâ pi measa a parlamentului unu nom a tin’iilor di cafi mesu a bugetarlor aprucheat di tuti părţâli. Ministrul a lucrului, Mariana Câmpeanu, declară câ tu yinitoarea legislaţie va s-ascadâ dhiafuraua andicra di tin’ia di cafi mesu minimâ şi aţeal maximâ di bază, tu condiţiili tu cari diafuralili anamisa di amintatiţli dit sectorlu public adusirâ ncâceri anamisa di lucrâtori D-na Câmpeanu, preciză cari suntu yinitoarili jgl’ioati ti adrarea ali legislaţie (track): “Nica avem s-reformulăm dauă principii, ligarea a creiştearil’ei a tin’iiilor di cafi mesu cu performanţa icunomică şi vadelu di bitiaseari a proiectului. Principiili furâ apufusiti şi dezvoltati tu chirolu a discuţiilor. Avemu apufusitâ ca până luni s-lom di la tuţ nâscânti sugestii di alâxeri a aţilor dauă principii di cari v-avem zburâtâ. Tu dauă dzâli va s-ândridzemu proiectul final, cari va s-hibâ pitricutu ti simnari tu circuit.” Discuţiili a guvernului cu partenerl’i social’i şi cu patronatili s-facu pi fondul a âncâcerlor ţi s-feaţirâ anvârliga di nomlu cari li creaşti tin’iili di cafi mesu a profesorlor ş-a dascal’ilor cu 50 di proţent. Ântr-oarâ dupâ adoptarea a nomlui, alti categorii bugetari au câftatâ crişteri tutu ahântu mări, ş-bâgarâ pi chindin executivlu dominat di liberal’i. Aeşti feaţirâ timbihi câ crişteri a tin’iilor di cafi mesu ahântu mări potu s-u aspargâ ziga a bugetlui şi pot s-li ducâ inflaţia şi şomajlu la ma multu di 10%. Adversarl’i politiţ ai liberal’ilor, PSD şi PDL, bagâ zori a guvernului s- lu bagâ tu practichie nomlu. Tu marea a lor parti, analiştil’i autohton’i cl’iamâ la angâtanu şi responsabilitati pi actorl’i politiţ, ama aceşti ascultâ di cânticlu di sirenâ a electoratlui, a curi suntu etin’i sâ-l’i umplâ, populistu, iţi câftari. Niţi duşlu araţi vinitu di la agentia di evaluari financiarâ Standard&Poor’s nu pari s-aibâ ayâlisitâ entuziasmul prilectoral a partidilor polititi ţi au ânchisitâ avinâtoarea di voturi. Agentia lu scâdzu ratinglu ali Românie ti âmprumuturi pi chiro lungu tu moneda xeanâ cum şi calificativlu ti creditli pi chiro şcurtu. Scâdearea a ratingului li yilipseaşti piricl’iurli pi crişteari ti icunumia alithea ali vâsilie, di itia a vulnerabilitatil’ei mări a sectorlui particular şi a dependenţâl’ei di resuieli externi, tut ma niesiguri, spun analiştil’i ali agenţie. Tot el’i bagâ oarâ câ autorităţli di Bucureşti nu l’ia tu isapi aesti provocări, şi minmduiescu ma multu di alidzerli ţi s-aproachi, iara consecinţili nu amânarâ sâ s-veadâ – icunumia s-ari supraangâldzâtâ, gradlu di acâţari borgi criscu, tutu aşi şi presiun’ili a sindicatilor ti criştearea a tin’iilor di cafi mesu. Iara radiografia Standard&Poor’s spuni unâ perspectivâ negativâ, stridusâ prit posibilitatea ti unâ nauâ scâdeari a ratingului tu condiţiili aspârdzearil’ei ali situaţie pi pâzarea financiarâ internationalâ. România easti vulnerabilâ la un sţenariu di dânâseari di napandica a intrărlor di capital. Cu tuti aesti, unâ politicâ cama coerentâ şi unâ guvernari ma bunâ dupâ alidzeri pot s-u stâmuseascâ criştearea a xichil'ei şi ali borgi guvernamentalâ, spunu tu bitisitâ aţel’i di la Standard&Poor’s. Tora di oarâ, ama clasa politicâ nu da seamni ca va s-l’ia ti tamam timbihili şi urnimiili a analiştilor. Dip al’iumtrea. Autor : Stefan Stoica Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International